Ber yıldan artıq däwam itkän söyläşülärdän soñ berniçä milliard dollarlıq atom sintezı reaktorın Fransiädä tözergä qarar itelde.
Xalıqara Termoatom-töşe Sınaw Reaktorı proyektında qatnaşuçı 6 ilneñ wäkilläre bügen Mäskäwdä şundıy qararğa kilde. Bu proyektta Rusiä, Yaponiä, AQŞ, Yewropa Berlege, Qıtay yäm Könyaq Korea qatnaşa.
13 milliard dollar töşär dip kötelgän bu reaktor Fransiäneñ könyağında tözeläçäk. Fransiä prezidentı Jaques Chirac bu qararğa şatlanuın äytep anı Fransiä öçen zur uñış dip bäyäläde.
Yaponiäneñ fän ministrı Noriaki Nakayama Yaponiä üz mänfäğätlären yaqlap qala aldı, ul bu proyektnı üzeneñ tikşerenü cihazları belän tä'min itäçäk dide. Sınaw reaktorı atom sintezınıñ zur häm imin energiä çığanağı bula aluın tikşerü öçen faydalanılaçaq. Kiläçäktä bu çığanaq hawanı pıçratuçı ğadi yağulıq qullanunı kimetergä yardäm itä ala.
Brüssel'dä Yewropa Komissiäse süzçese Pia Ahrenkilde Hansen Komissiä atom sintezı reaktorın tözü bu yıl axırına qädär başlanır dip isäpli dide.
AUDİO: Xäzer bez bu proyekt turında täğayen texnik kileşüne tämamlap tözeleşne mömkin qädär tizräk başlıy alabız. Bez monı bu yıl axırına bulır dip isäplibez. Häm bez älbättä bu proyektqa xalıqara tikşerenüçelärneñ tulısınça xezmättäşlege belän alğa taba baru mömkinlege birüçe çişeleş taba aluıbızğa bik tä şatbız.
AUDİO: Xäzer bez bu proyekt turında täğayen texnik kileşüne tämamlap tözeleşne mömkin qädär tizräk başlıy alabız. Bez monı bu yıl axırına bulır dip isäplibez. Häm bez älbättä bu proyektqa xalıqara tikşerenüçelärneñ tulısınça xezmättäşlege belän alğa taba baru mömkinlege birüçe çişeleş taba aluıbızğa bik tä şatbız.
