Ufadan Ağidel buylap çıqqan millättäşlärne Qazanda 8 iyül könne qarşı alaçaqlar. Qazannıñ Yılğa portına “Vladimir Zaysev” köymäsendä 8 iyül könne irtänge säğät 9 da kilep tuqtayaçağı bilgele buldı. Bez bu xäbärne TR mädäniät ministrlığınıñ mäğlümat bülegennän aldıq.
Marat Şäripov citäkçelegendäge “Ramazan törki- milli mädäni üzäge” säyäxäteneñ Programması Qazannıñ 1000 yıllığına bağışlana. Qazanğa kilep citkänçe alar inde Bolğar tıyulığında bulaçaqlar.
Qazanda TR mädäniät ministrlığı yärdämendä alarnı tantanalı qarşı alu oyıştırıla. Qullarına “çäk-çäk”totqan , milli kiemnär kigän qunaqçıl qızlar belän qarşılağannan soñ , alarnı avtobusqa utırtıp Qazan buylap ekskursiädä yörtäçäklär . Şulay uq programmada TR Milli muzeyında bulu qaralğan. Millättäşlärne , bigräk tä İslam dinendä bulğannarnı, iñ nıq qızıqsındırğanı, Qazan Kremlendäge äle küptän tügel genä açılğan Qol Şärif mäçetenä ayaq basu. Telägän keşegä öylä namazın uqırğa da mömkinlek tudırıla.
Ä säğät 16.00 da köymäneñ konferensiälär zalında çığışı belän Başqortstannan bulğan qazanlılar belän oçraşu qaralğan. Qazanda yäşägän icadi, fänni intelligentsiä wäkilläre , mädäniät häm sänğät eşlekleläre, citäkçelär häm ğomümän, qazanlılar bu oçraşunı bik sağınıp kötep alalar. Çönki mondıy cılı oçraşular Tatarstan belän Başqortstan xalıqları arasında bulğan duslıq mönäsäbätenä dä bik zur tä'sir yasıy. Oçraşu dan soñ säğät 1800 dä Yılğa portınnan “Vladimir Zaysev” köymäse Çallı, Tübän Qamağa yul alaçaq.
Azatlıq radiosı Mälikä Basıyr Qazan.
