Başqaladan 60 çaqrım yıraqlıqta suğışçılar tikşerü noqtasına höcüm itkän, kimendä 12 keşe hälak bulğan, alarnıñ 9zı – Ğiraq xärbiläre, dip xäbär itelä. Xales şähäre yanında tikşerü noqtasına bulğan höcüm waqıtında kimendä 7 Ğiraq xärbie hälak bulğan. Amerikan xärbi köçläre mäğlümatlärenä qarağanda, tönyaq Ğiraqtağa xärbi çaralar waqıtında 14 ğısyançı üterelgän. Süriä belän çik buyınnan könçığışqa taba Tal Afada 10 suğışçı üterelgän. Başqa ber çarada tağın 4 ğısyançı hälak bulğan. Yäkşämbe könne Bağdadtan 150 çaqrımda urnaşqan Hit şähärendä iminlek çaraları waqıtında amerikan maxsus ğaskärläreneñ ike xärbie hälak bulğan.
