Xäterlisezder, Azatlıqnıñ Qazan byurosına Baltaç rayonınıñ Tüntär awılınnan Räfqat Zaripov kilgän ide. Ul Azatlıq radiosı tapşıruların berençe könennän ük , menä inde 50 yıl buyı iğtibar belän tıñlıy. Leninogorski şähärendä yäşäwçe Äsxat' äfände Kärimov menä 20 yıl inde Azatlıq tapşıruların şulay uq diqqät belän tınlıy ikän. Qazan byurosına kilgäç, ul üz süzen: “Xalıq awazı ni öçen Qazannan işetelmi ,-dip tänqit wä täqdimnän başladı.
Leninogorski şähärendä toruçı tıñlawçıbız Äsqät Kärimov Azatlıqnıñ tatarça tapşıruında ayırım säyäsätçeläreneñ çit tellärdäge tawışların işetügä qänäğät, ämma ul törle tellärdä yañğırağan anons, iğlannar, sitatalar tapşırunıñ waqıtın qısqartmıymı dip tä borçıla äle. Ä sez niçek uylıysız? Qaywaqıtta pawza, başqa tellärdäge reklamnar qızıqsınunı arttıramı?
Tıñlawçıbız Äsqät' Kärimov tapşırularnı ğına bäyäläp qalmıy, ul tormış turında da fiker yörtä. Ayırım alğanda anı Tatarstandağı tarixi urınnar, milli turizmnıñ zäğiflege borçıy. Geografiä, tarix uqıtıp ğömer kiçerep, nihayät, ul, Bilär yanındağı İzgelär tawın da barıp kürgän, ä şähri Bolğarğa barıp citergä mömkinlek bulmağan. “Tatarstanda kürsäter närsä yuq”, - digän qaraş haman yäşime ällä? Ämma bügengä citep torır. Tarixi yädkärlär häm milli turizm turındağı çığış bügen tügel, ä yal könne efirğa çığar. Şulay itep, Qazannan da xalıq awazı Azatlıq efirında yañğırayaçaq.
Rimzil Wäli, Qazan.
