Çittäge tatar yäşlären Tatarstan yuğarı uqu yortına kertü buyınça maxsus programma inde 3 yıl eşli. Programma kübräk Rusiä, çit ildäge tatar yäşläre yuğarı belem alğaç, üzlärenä qaytıp milli ölkädä eşläwne däwam itterü - yäğni tatar tele, ädäbiäte, mädäniäte buyınça uqıtuçılar, belgeçlär äzerläwne küzdä totıp buldırılğan ide. Läkin şul küzätelä, çittän kilüçelär tatar tele belgeçlege buyınça belem alırğa älläni zur teläk kürsätmi. Kübräk bügenge köndä däräcäle bulğan fakul'tetlarnı saylıylar. Bu xaqta Bötendönya tatar kongressı Başqarma komitetınnan Röstäm Gaynetdinov
Yäşlär kübräk iqtisat, ekologiä, xalıqara bağlanışlar fakul'tetın saylıy. Ämma alarda bolay da konkurs bik zur. Şunıñ kübese – medalistlar. Yäşlär kübräk gumanitar fännärne saylasın ide.
Gumanitar fännär buyınça uqırğa kerü mömkinlekläre kübräk. Läkin çittän kilüçe yäşlär öçen tatar telendä yuğarı belem alu kiräkme. Bu soraw bulıp qala. Ana tellären belmäw säbäple uqu barışında awırlıq kiçerälär. Häm Tatar däwlät gumanitar institutta berençe yartı yıllıqtan soñ tatarça imtixan birä almıyça kitüçelär dä bulğan. Şul nisbättän xäzer yaña programma buldırılğan. Röstäm Gaynetdinov bolay di
Älege programma qısalarında çittän kilüçelär tatar tele, ädäbiäte, häm belgeçlek alu öçen kiräk bulğan fännärne öyränü öçen östämä aldan äzerlänü kursında uqırğa tieş bula. Şunıñ nigezendä ul imtixan birep keräçäk.
Älege äzerlek kurslarında uquçılarğa däwlät tarafınnan stipendiä dä, tulay toraq ta qaralğan. Tatarstan Xökümäte törle programmalar buldırsa da, uqırğa kerergä bik küp teläk belderüçe bar dip äytep bulmıy. Rusiä töbäklärennän kübräk Tatarstanğa kürşe bulğan Mari İle, Kirov ölkäsennän, Başqortstannan kilälär. Başqortstannıñ Bäläbäy gimnaziäsennän 2 abiturient Berdäm däwlät imtixanı arqılı yuğarı uqu yortına kerep inde student bulıp qaytıp kitkän Tatarstannan.
Çit ildän kilüçelärneñ barısın da diärlek yuğarı uqu yortına alırğa tırışaçaqlar. TR Prezidentınıñ Tışqı bağlanışlar departamentı
häm Rusiä Mäğärif häm fän ministrı çit ildän kilgän 43 yäş millättäşlärebez öçen stipendiä häm östämä urınnar buldırğan. Älege programmada – Äzerbäycan, Qırğızstan, Qazaqstan, Üzbäkstan, Belorusiä, ğomumän 5 il qatnaşqan. Andağı yäşlär inde Tatarstanğa kilgännär.
Landış Xarrasova.
