San yağınnan tatarlar Çitada dürtençe urında tora. Alar ruslar, buryatlar, ukrainnardan qalışa. Säfärdä bulıp qaytqan Tatarstan jurnalistların berençe çiratta tatarlar xäle, üzebezneñ tatar gubernatorınıñ yazmışı qızıqsındırğan. Çita gubernatorı Rawil Geniatullin Tatarstan jurnalistların bik cılı qarşı alğan. “Tatarstan Yaña Ğasır” televideniese korrespondentı Al'fred Möxämmäträximov Çitadağı tä'sirlären “Azatlıq” radiosı xäbärçese belän dä urtaqçalaştı
Çita gubernatorınıñ Qazanda bulğanı yuq. Avgustta kilergä tieş. Şul vizit aldınnan Tatarstan jurnalistları bardıq. Anda 13 meñ tiräse tatar yäşi. Ämma tatarlar üz tuğan tellären belmi. Gubernator beraz belä. Çönki 1960нчы yıllarda Çitada äle tatarça söyläşkännär. Rawil Geniatullinnıñ ätise Färit abıy qazaq qızı Avgustağa öylänä. Ul qaynanası, qaynatası yanında bik tiz tatarçağa öyränä. Ölkädä tatar citäkçeläre küp. Alar törle kombinatlarnı citäklilär.
Çita şähärendä mäçet 1903 yılda tözelä. Anı elek “Tatar” mäçete dip yörtkännär. Tatarstan jurnalistları bik qızıqsınsa da anıñ tarixın belüçe keşe Çitada tabılmağan. Älege mäçetkä namazğa 2-3 tatar ğına yörüe mäğlüm bulğan. Qalğannarı başqa millät wäkilläre ikän. Al'fred Möxämmäträximov
Mäçettä ike şäkert bar. Alarğa cämğiät zur ömetlär bağlıy. İke yıl elek Sabantuylar uzğan Znamenskoeda. Xäzer oyıştıruçılar yuq. Gubernator üzen tatar da, urıs dip tä äytmi. Min – rossiäle, di. Ul millätçelekkä bik qarşı. Qayçandır Ağinski rayonda buryatlar baş kütärgän bulğan häm gubernator äytkän: “Min üzem dä urs tügel, milli azçılıq xalqına keräm, ämma millätçelär qırıs cawap alaçaq”, - digän. Gubernator üz tamırları belän bik ğorurlana. Anıñ babaları qayçandır Çita Dumasında utırğannar. Bıyıl köz yäkşämbe mäktäbe oyıştırmaqçı bulalar. Ämma kadrlar yuq ikän.
Tatarstan belän mönäsäbätlärne bik tığız dip äytep bulmıy. Monda ike aranıñ yıraqlığı säbäp bulıp tora dilär. Barı KAMAZ maşinaların ğına satıp aluları mäğlüm. Anıñ qarawı “Tatarstan Yaña Gasır” televideniesen qaraw mömkinlege bar. Al'fred Möxämmäträximov bolay di
Sputnik iärçennäre aşa “Yaña ğasır” televideniesen qarıy ikän, 1-2 tatarça añlıy torğan keşe “Azatlıq” radiosın tıñlawnı äyttelär. Ämma tatar ictimaği üzäge wäkilläre bezneñ belän kontaktqa kerergä telämädelär. Şulay dip äyttelär. Tatarstan Säwdä yortı da bulırğa tieş. Alarnı da taba almadıq. Landış Xarrasova
