Accessibility links

Кайнар хәбәр

Qazanda Lev Gumilevqa häykäl quyu täqdim itelä


Qazan meñ yıllığı tantanaları aldınnan qızıq xällär bulıp yata. Kötelmägän xällär. Bu hiç tä yullardağı maşina bökelärenä qağılmıy. Qazan üzägendä nihayät tatarça uram isemnäre arttı. Milli cämäğätçelek, zıyalılar bu turıda distä yıllar buyına çañ qağıp kilgännär ide. Nindi möräcäğät, nindi qarar, nindi taläp kenä bulmadı. Qazan xakimiäte törle säbäplär tabıp, küz yoma kilde. Tatarça isemnär şähär çitendäge tıqrıqlarğa da, bilämlärdäge uramnarğa ğına birelä ide. Xäzer inde üzäktä dä tağın berniçä tatarça atalağan uram isemnäre päyda buldı. Dimäk, Qazandağı Kalinin uramınıñ ber öleşe xäzer Ämirxan Yeniki isemen yörtä. Volodarskiy uramı Ğayaz İsxaqi uramı dip üzgärtelde. SUM tirälärendäge Sakko häm Vansetti uramı Röstäm Yaxin isemen aldı. Monnan tış, Mitxail Xudäkov, Borhan Şähidi isemendäge uramnarda barlıqqa kilde.

Yarar. Meñ yıllıq aldınnan tiz genä tatar isemnäre barlıqqa kilü närsädä disägez, qayber küzätüçelär monı meñ yıllıq belän bötenläy bäylämi. Közlegen Qazan şähär şurasına deputatlar saylıylar. Häm şuşı deputatlar Qazan başlığın da bilgeläyäçäk. Dimäk, xalıq tawışı öçen köräş başlandı.

Ä bu könnärdäge Qazanda tağın ber köräş frontı açıldı. Bu şartlı räweştä front inde. Ul da bulsa, Qazan üzägendä, xalıq telendä Kolso dip atalğan, ä räsmi ataması bulğan Tuqay mäydanında , Tatarstan qunaqxannäse yanında Rusiäneñ berençe imperatorı Petr berençegä byust häykäl quyu. Azatlıqta bu xaqta xäbär itelgän ide. Piterbur şähäre Qazan xalqına, meñ yıllıq uñayınnan şundıy büläk yasarğa cıyına. Dörese Qazan üzägendä ber uramnı tözeklärnedä Piterburg xakimiäte. Häm kiyäwğä birgän qız artınnan birnäsendä cimbergen kebek, Petr berençegä häykälen dä kiterep quya. Quyarğa urın äzerlängän inde. Häykäl üze dä, Qazanğa kiteüne kötep yata. Milli cämäğätçelek tä, Qazan xalqı da Piterbuğ merı Valentina Matvienkoğa möräcäğätlär yulladı. Petr berençe kiräkmi, ä bik büläk yasarğa teläsägez inde, tatar tarixında yaqtı ez qaldırğan Lev Gumilevka häykäl qoyıp kiteregez dip. İmzalar da cıya başladılar . İnde, şuşındıy möräcäğätkä 5 meñ qazandı imza salğan ikän.

Bu häykäl 27 avgustta açılırğa tieş. Läkin, inde qayber faktlar Petr berençegä häykäl bulmas axırı diärgä mäcbür itä. Azatlıq radiosı çığanaqları Mintimer Şäymiev, tatarstan prezidentı da, Petr berençegä , Rusiä patşasına, berençe imperatorğa häykäl nindider tıqrıq kebek urında buluı kileşmi inde dip beldergän. Ütkän atnanıñ comğasında Qazannıñ meñ yıllığın ütkärü buyınça komissiä utırışında bu turıda süz quzğalğan. Mintimer Şäymiev Lev Gumilevka häykäl quyuğa riza bulğan.

Qazan meñ yıllığı aldınnan menä şundıyraq bäxäs, öleşçä köräşlär bara. Ä kiläse Qazan yuğalamı, yañaramı digän säxifä Qazandağı yuqqa çığıp barğan tarixi yortlar turında bulır.

Räfis Cämdixan

XS
SM
MD
LG