Şimbä könne diñgez buyındağı Şarm-äş-Şeix şähärendä bulğan şartlawnı tikşerü qısalarında Mısır polisiäse bügen ike awılnı qamawğa alğan ide. Ezlänelgän ike keşe şul awıllarda qaçıp yata dip farazlana. Ezlänüçelär arasında – şartlawlar waqıtında Şarm-äş-Şeixta bulğan 6 pakstanlı da bar, alarnıñ berse höcümnär waqıtında häläk bulğan, dip farazlana. Sinai tawlarında Mısır iminlek köçläre häm suğışçılar arasında atışlar bulğan. Frans Press xäbär itüençä, atışlar Şarm-äş-Şeix şähärennän 30 çaqrım yıraqlıqta bulğan. Şimbä könne Şarm-äş-Şeixta oteldä häm kibetlär urnaşqan urında bulğan şartlawda 60tan artıq keşeneñ ğömere özelde. Britaniä, häläk buluçılar arasında ber britan watandaşı bar, dip xäbär itte. 10 britan xäbärsez yuğalğan. Höcüm öçen cawaplılıqnı üz öslärenä İslam suğışçılarınıñ 3 ayırım oyışması aldı.
