Reuters häm Frans Press mäğlümat agentlıqları Ğiraq başqalası çitendä ğısyançılar eşçelärne öylärenä alıp qaytqan avtobusqa ut açqan, dip xäbär itte. Kimendä 12 keşe häläk bulğan. Ğiraqtağı Al Qaida, uzğan atnada urlanğan ike Aljir diplomatın üteräçäklären belderde. Bu mäğlümat Yordanlı suğışçı abu Musab al-Zarqawi isemennän islamçılarnıñ internet säxifäsendä çıqtı, ämma räsmi çığanaqlarda raslanmadı. Aljir wäkilçelege başlığı Ali Belaroussi häm diplomat Azzedine Belkadi, uzğan pänceşämbe könne ğısyançılar tarafınnan urlanğan ide.
