Accessibility links

Кайнар хәбәр

İran BMO Atom İdaräse taläben kire qaqtı


Tähran -- Berläşkän Millätlärneñ Atom İdaräse bügen İrannı, atom eşçänlegen yañartunı, ber atnağa kiçekterep torırğa soradı. Ämmä İran kötep tora almawın belderde. Yevropa Berlege häm Quşma Ştalar, İran uran bayıtu eşen yañartsa, mäsäläne BMOnıñ İminlek Şurasına çığaru belän kisätä. Bu oçraqta Tähranğa çikläwlär kertelergä mömkin.

Ul arada Human Rights Watch törkeme İranda bäysez xoquq yaqlawçılarğa qarşı höcümnär artu turnda xäbär itte. Törkem belderüendä äytelgänçä, uzğan şimbädä tanılğan xoquqçı Äbdel-fattax Soltani qulğa alınğan häm Nobel büläge iäse Şirin Ebadi'ğa yanawlar bulğan.

Bügen İrannıñ dini citäkçeläre Mäxmüt Äxmädinejadnı yaña prezident itep rasladı. Tähranda ütkän çarada ilneñ yuğarı ruxanie Ayatolla Ali Xömänei yaña prezidntqa fatixasın birde. Şimbä könne Äxmädinejad Mäclestä ant kiterergä tieş.
XS
SM
MD
LG