Uzğan töndä yaña qazılğan Qazan metrosı buylap Tawlar stansiäsennän Kreml''gä qädär poyezd ütte. Passajirlar arasında Qazan şähäre administratsiä başlığı Kamil İsxakov, Peterburg merınıñ urınbasarı Aleksandr Vaxmistrov buldı. Uzğan atnada poyezd 3 stansiä uzsa, bu yulı 5 stansiäne 45 minutta ütte. Metro qullanışqa kergäç, bu yulnı ul 12 minutta uzaçaq. Kamil İsxakov Qazan metrosın Sankt-Peterburgnıñ filialı dip atağan. Bu filialda Petr 1 häykäle basıp toraçaqmı-yuqmı ikänlege şunda uq äytelmäde. Metro açılışına Peterburg başlığı Valentina Matvienko kiläçäk.
