Comğada Qazan kirmänendä Tatarstan prezidentı Awrupa möselmannarı berlege liderları belän oçraştı. Oçraşuda süz Awrupadağı möselmannarnıñ xäzerge yazmışı, torışı turında süz bardı. Awrupa möselmannarı berlege küptän tügel genä barlıqqa kilgän oyışma. Tatarstan prezidentı, şundıy oyışma oyışu, ul zaman taläbe dip bäyäläde. Tatarstan prezidentınnan tış, respublika yağınnan bu çarada vitse-premyer, mädäniät ministrı Zilä Wälieva, Tatarstan parlamentı räise urınbasarı, Respublikadağı FSBnıñ elekkege citäkçese Aleksandr Gusev qatnaştı. Ä Awrupa möselmannarı berlegennän , oyışmanıñ maqtawlı prezidentı Näwzät Yalçıntaş, oyışma prezindentı Andreas Rieger, Böyekbritaniä lordlar palatası äğzası Näzir Äxmät, İtaliä möselmannarı oyışması vitse-prizedentı Yäxya Pallaviçini , häm Rusiä fännär akademiäse akademigı, Qor’änne urıs telenä tärcemä itüçe Valeriä Poroxova qatnaştı.
Räfis Cämdixan
