London -- Yülneñ 21ndä Londonda terror ğämälläre oyıştıruda ğäyeplängän 3 keşe bügen mäxkämä aldına bastı. Londonda yäşäwçe 27 yäşlek İbrahim Moxtar Säyet, 23 yäşlek Rämzi Mäxämmät häm 24 yäşlek Xäsän Omar keşe üterü niätendä ğäyeplänä. Ğäyeple dip tabılğan oçraqta alarğa ğömerlekkä törmä yanıy. 4nçe şiklänüçe, Xämdi İssak Rim politsiäsendä tapşırılu kötep utıra. 21 Yül höcümnärenä qädär ike atna elek Londonnıñ transport çeltärendä bulğan intihar höcümnärdä 56 keşe häläk buldı, 700läbe yaralandı.
