Accessibility links

Кайнар хәбәр

Başqortstan tatar yazuçıları Baltaç rayonında bulıp qayttı


Başqortstan Yazuçılar berlege qarşındağı tatar yazuçıları berläşmäse äğzaları şuşı atnanıñ çärşämbe häm atnaqiç könnärendä tatarlar yäşägän Baltaç rayonında icat säfärendä bulıp qayttı. İke könlek seminär barışında tatar ädipläre şul töbäktä yäşäp icat itüçe yäş häm başlap yazuçılarnıñ qulyazmaların tikşerde. Älege seminarnı oyıştırğan Başqortstan Yazuçılar berlegeneñ tatar yazuçıları berläşmäse citäkçese, yazuçı Räşit Sabit şuşı säfärdän äylänep qaytqaç, «Azatlıq» radiosına tübändägelärne söyläde. (Azatlıqta comğa könne tıñlağız) Äle Baltaçta bulğan kebek seminärlar bu yıl azağına qädär tağın öç töbäktä oyıştırılaçaq häm alarda da yäş häm başlap yazuçılarnıñ qülyäzmaları tikşereläçäk, dide Räşit äfände. Äle tatar yazuçıları Başqortstannıñ xalıq şağire Mäcit Ğafurinıñ tuuına 125 yıl tuluğa bağışlanğan tantanalarğa äzerlänä. Bu tantanalar Ufada häm xalıq şağireneñ tuğan yağı Ğafuri rayonında sentäbr ayında ütäçäk. Başqortstandağı tatar ädiplären Qazannıñ 1000 yıllıq yübileye da yaña äsärlärgä ilhamlandıra. Kiçä Ufadağı Mäcit Ğafuri isemendäge parkta açıq hawada ütkän şiğriät bäyrämendä tatar şağire Radik Xäkimcan Qazannıñ oluğ bäyrämenä bığışlap icat itkän şiğıren uqıp işetterde.

Fänis Fätxi, Ufa
XS
SM
MD
LG