Qazannıñ näq üzägendä urnaşqan Bauman uramına başqa isem birü kiräklege xaqında tatar cämäğätçelege inde küptännän söyläp kilde. Nihayät, şähär xakimiäte dä inqilabçı Nikolay Bauman isemen yörtkän uramğa başqa isem birergä digän qararğa kilgän. Bu turıda 16 avgust könne şähär başlığı Qamıl İsxaqov jurnalistlar belän uzğan matbuğat oçraşuında äytte. Şähär başlığı Bauman uramına yaña isem ağımdağı yılnıñ avgust axırına qädär birelmäyäçäk dip belderde. Anıñ äytüençä, uramğa aşığıp Qazan şähärenä bernindi dä qatnaşı bulmağan Nikolay Bauman iseme birelgän. Uramnı elekkege iseme Prolomnayağa alıştırudan da fayda yuq dip sanıy K.İsxakov.
Bauman uramında soraştıru ütkärgändä qayberäwlär uramnıñ isemen üzgärtmäskä täqdim itä. Kemder Torgovaya, Çentral'naya, Şalyapina kebek isemnär birergä teli. Ä qayberäwlär Qazan üzägendä urnaşqan uramğa milli rux östärgä, Söyembikä, Salix Säydäş yäki tatarnıñ tarixın, mädäniäten çağıldırğan başqa şäxeslärneñ iseme belän atarğa täqdim itä. Qazandağı küp kenä uramnarğa tatar isemnäre birelde inde, şähärdä yäşäwçe başqa xalıqlar moña zarlana diyuçelär dä buldı. Şulay da Bauman uramına çınlap ta milli rux citmäwe xaqında küp söyläde xalıq. Şul nisbättän älege uramda urnaşqan Еkaterına ikençe arbasınıñ urını da Baumanda bulırğa tieş tügel dip sanawçılar bar.
Küp kenä keşe Bauman uramına elekke isemen qaytarırğa, anı Zur Prolomnaya dip atarğa teli. Läkin küptän tügel Petr berençe häykäle belän bulıp alğan şaw-şudan soñ uramğa Prolomnaya iseme bireläçägenä dä xalıq bik ışanmıy. Ä menä qayberäwlär Bauman uramına Qazan Arbatı isemen birergä kiräk digän täqdim yasadı. Belgeçlär fikerençä, “arbat” süze ul tatarnıñ arba süzennän alınğan. Mäskäwneñ dä ber uramı yörtkän bu isemneñ tatar tarixına qağılışı buluın küpçelek belmi.
Al'bina Zäynulla
Bauman uramında soraştıru ütkärgändä qayberäwlär uramnıñ isemen üzgärtmäskä täqdim itä. Kemder Torgovaya, Çentral'naya, Şalyapina kebek isemnär birergä teli. Ä qayberäwlär Qazan üzägendä urnaşqan uramğa milli rux östärgä, Söyembikä, Salix Säydäş yäki tatarnıñ tarixın, mädäniäten çağıldırğan başqa şäxeslärneñ iseme belän atarğa täqdim itä. Qazandağı küp kenä uramnarğa tatar isemnäre birelde inde, şähärdä yäşäwçe başqa xalıqlar moña zarlana diyuçelär dä buldı. Şulay da Bauman uramına çınlap ta milli rux citmäwe xaqında küp söyläde xalıq. Şul nisbättän älege uramda urnaşqan Еkaterına ikençe arbasınıñ urını da Baumanda bulırğa tieş tügel dip sanawçılar bar.
Küp kenä keşe Bauman uramına elekke isemen qaytarırğa, anı Zur Prolomnaya dip atarğa teli. Läkin küptän tügel Petr berençe häykäle belän bulıp alğan şaw-şudan soñ uramğa Prolomnaya iseme bireläçägenä dä xalıq bik ışanmıy. Ä menä qayberäwlär Bauman uramına Qazan Arbatı isemen birergä kiräk digän täqdim yasadı. Belgeçlär fikerençä, “arbat” süze ul tatarnıñ arba süzennän alınğan. Mäskäwneñ dä ber uramı yörtkän bu isemneñ tatar tarixına qağılışı buluın küpçelek belmi.
Al'bina Zäynulla
