Uzğan ayda terrorçı dip polisiä tarafınnan yalğış atıp üterelgän 27 yäşlek Braziliä yegeteneñ ğailäse xälne tikşerergä çaqırdı. 22 yül könne Jean Charles de Menezes London metrosında atıp üterelgän ide, polisiä mäğlümatlärenä qarağanda, Menesez tuqtamağan häm bilet çiklären sikerep çıqqan. Polisiä anı intixarçı dip uylağan. Ämma matbuğat çaraları yazuınça, bu mäğlümatlär çınbarlıqqa turı kilmi. Xosusi İTN şirkäte xäbärlärenä qarağanda, Menezez tuqtarğa quşılğaç – tuqtağan, häm polisiägä qarşı çaralar kürmägän. Menezesnıñ ğailä äğzase Allessandro Pereira, BBCğa, açıq tikşerü taläp itüen belderde. Ğailä advokatı Harriet Wistrich, polisiä säyäsäten tikşerergä çaqırdı.
