Soñğı waqıtta respublikada üz-üzenä qul saluçılarnıñ kinät artuı sizelä. Bigräk tä awıl, rayon cirlärendä yäş kenä qızlar, yegetlär tormış belän xuşlaşa. Mäsälän, küptän tügel genä Spas rayonınıñ ber awılında ber ay eçendä 8 keşe üz üzenä qul salğan. Häm bu berdän ber misal tügel. Keşene tormış belän xuşlaşırğa törle säbäplär etärsä dä, bu protsess härwaqıtta da psixika, nerv sisteması eşçänlegeneñ qaqşawın kürsätä. Tatarstanda psixik awırularınıñ sanı da arta bara. Ä bit Tatarstan elek-elektän üzeneñ psixolog, psixiatrları belän dan totqan cir. Bu oçraqta Vladimir Bexterev isemen genä atap kitü dä citäder, möğayın. Şuña kürä kürenekle nevropatolog, psixiatr, böten dönyağa tanılğan ğalim Vladimir Bexterevqa Qazannıñ meñellığı yaqınlaşqanda häykäl açu da oçraqlı ğına tügel. 24 avgust könne Qazannıñ Volkov uramında urnaşqan baqçada Vladimir Bexterevqa byust-häykäl açu tantanası uzdı.
Vladimir Lenin, İosif Stalinnı däwalawçı Bexterev Tatarstannıñ Alabuğa rayonında tuğan. Anıñ tuğan awılı Sorali bügen ğalimneñ isemen yörtä. Qazanda Bexterev üzeneñ fänni mäktäben aça, psixiatriä xastaxanäsen tözügä ireşä, Rusiädä berençe psixofiziologiä laboratoriäsen buldıra. Üzeneñ yözgä yaqın xezmäten, şul isäptän keşe mieneñ eşçänlegenä bağışlanğan bilgele xezmäten dä ul Qazanda yaza. 19 ğasırnıñ 90nçe yıllarında Bexterev Peterburgtağı xärbi-meditsina akademiäseneñ psixik häm nerv awıruları kafedrasın citäkli. Ul mi’ awıruların häm alkogolizmnı däwalaw buyınça yaxşı metodikalar uylap taba. Ğalim şulay uq ictimaği eşlärdä dä aktiv qatnaşa. Bügenge köngä qädär Qazan ğalime çığarğan “Nevrologiçeskiy vestnik”, yäğni nerv awıruları buyınça maxsus jurnal dönya kürä.
Qazannıñ Vaxitov rayonında urnaşqan Bexterev isemendäge uram, psixonevrologiä xastaxanäse, fänni meditsina mäktäbe häm Volkov uramında açılğan häykäl - bolar barısı da respublikada kürenekle ğalim, psixiatrnıñ isemen mäñgeläşterä. Tağı ike yıldan cämäğätçelek kürenekle ğalimneñ 150 yıllığın zurlap ütkärergä cıyına.
Al'bina Zäynulla
Vladimir Lenin, İosif Stalinnı däwalawçı Bexterev Tatarstannıñ Alabuğa rayonında tuğan. Anıñ tuğan awılı Sorali bügen ğalimneñ isemen yörtä. Qazanda Bexterev üzeneñ fänni mäktäben aça, psixiatriä xastaxanäsen tözügä ireşä, Rusiädä berençe psixofiziologiä laboratoriäsen buldıra. Üzeneñ yözgä yaqın xezmäten, şul isäptän keşe mieneñ eşçänlegenä bağışlanğan bilgele xezmäten dä ul Qazanda yaza. 19 ğasırnıñ 90nçe yıllarında Bexterev Peterburgtağı xärbi-meditsina akademiäseneñ psixik häm nerv awıruları kafedrasın citäkli. Ul mi’ awıruların häm alkogolizmnı däwalaw buyınça yaxşı metodikalar uylap taba. Ğalim şulay uq ictimaği eşlärdä dä aktiv qatnaşa. Bügenge köngä qädär Qazan ğalime çığarğan “Nevrologiçeskiy vestnik”, yäğni nerv awıruları buyınça maxsus jurnal dönya kürä.
Qazannıñ Vaxitov rayonında urnaşqan Bexterev isemendäge uram, psixonevrologiä xastaxanäse, fänni meditsina mäktäbe häm Volkov uramında açılğan häykäl - bolar barısı da respublikada kürenekle ğalim, psixiatrnıñ isemen mäñgeläşterä. Tağı ike yıldan cämäğätçelek kürenekle ğalimneñ 150 yıllığın zurlap ütkärergä cıyına.
Al'bina Zäynulla
