Qazan, bäyrämnän soñ yäşärgä oyränä. Şähär üzägendäge yullarda yañadan bökelär xasil buldı, remont-tözeleş eşläre yañartıldı.
Qazan şähär başlığı, 1000 yıllıqnı oyıştıruğa köç quyğan şähär xakimiäte xezmätkärläre, kübesençä, üzeneñ urınbasarların häm bülek başlıqların medal’lär belän büläkläde. Eçke eşlär ministrı, Rusiä töbäkläremnän kilgän militsiä xezmätkärlärenä, xezmät öçen, räxmätlär belderep, maqtaw käğäzlären tapşırdı.
Xalıqara matbuğat üzäge dä üz eşen tämamladı. Kompyuterlar, televidenie öçen montaj yasaw urınnarı, başqa texnik caylanmalar sütelä başladı. Buşlay aşatu häm çiklänüsez internet, barısı da «Tatmedia» agentlığı aqçasına eşläp tordı. Ämma Tatarstan xakimiätläre totqan aqçalar, aqlandımı? BDB illäre sammitı barğan könnärdä, Rusiäneñ federal kannalları, çit il kanal xäbärçeläre, här prezidentınıñ üzeneñ räsmi mäğlümat çaraları, turı efirda, mäğlümat birep bardılar. Rusiä gäzitlärendä, daimi mäqälälär basılıp bardı. Federal gäzit uquçıları, moña qädär, ul külämdä, Qazan häm anıñ 1000 yıllığı turında mäqälä, räsemnär kürmägän bulğandır. Ämma, barlıq mäqälälär dä, bäyrämçä ruxta bulmadı. 1000 yıllıq datasın şik astında quyğan mäqälälär çıqtı, şähärdä betmägän tözeleşlärne tänqit utına totıp yazdılar, Tatar kongressında yasağan çığışlarnı tıñlap, Tatarstan xakimiätlären kisken millätçelektä ğäyıpläde. Qayber çit il gäzitläre, tatarstandağı keşelär İdel yılğasında yuına, oylärendä su yuq, dip yazdı. Qayber çit il jurnalistları, 1000 yıllıqqa totılğan summalarnı butap, tögälsez mäğlümat birde. Küpçelek mäğlümat çaraları xäbärçeläre 1000 tapqır atqan salyut häm lazer tamaşanı ayıruça bilgeläp üte. Niçek kenä bulmasın, Qazannıñ danı yaraqlarğa taraldı.
Bikä Timerova
