Accessibility links

Кайнар хәбәр

Säddam Xösäin üz ğäyeplären tanığan dielä


Ğiraq prezidentı Cäläl Talabani elekke prezident Säddam Xösäin üz xakimiäte çorında üterülär häm başqa cinayätlär öçen cawaplılıqnı tanıdı häm ul küp märtäbä üterü cäzasına layıq dide. Sişämbe könne Ğiraq televideniesenä Talabani tikşerüçe Säddamnıñ 24 yıl xakimiättä torğanda küpsanlı üterülärgä färmannar birüen tanuı turında süzlärne Säddamnıñ üz awızınnan aldı dide. AUDİO: Min Säddamnan soraw alğan tikşerüçe belän oçraştım. Min anıñ tikşerüne däwam itüen xupladım häm ul minña yaxşı xäbärlär citkerde. Ul Säddamnan möhim ğäyep tanular aluın häm alarnı imzalatuın äytte. Säddamnı xökem itü 19-nçı üktäberdä başlana. Bağdadtağı AQŞ ilçelege süzçese Peter Mitchell Ğiraqnıñ könyağındağı Basra şähärendä AQŞ iminlek saqçıları uzıp barğanda yulğa quyılğan bomba şartlap kileşü nigezendä eşläwçe 4 saqçını üterde dide. Bu saqçılar AQŞ ilçelegeneñ Basradağı binasın saqlawçı xosusıy iminlek şirkätendä eşlägän bulğan. Ğiraq politsiäse äytüençä, bügen qorallı keşelär Ğiraq saqlanu ministrlığınıñ yuğarı citäkçelärennän berse general-mayor Hadi Xäsän Omrannı häm eçke eşlär ministrlığı xezmätkäre polkovnik Ammar İsmail Arkannı atıp ütergän.
XS
SM
MD
LG