11-nçe sintäbr höcümnären oyıştıruçılar kebek ük çığışı belän ğäräp Herb Ouidanıñ märxüm ulın iskä alğanda tawışı äle haman da qaltırana, anıñ öçen dürt yıl elek bulğan waqiğälärneñ dähşäte yuğalmağan. Alar ikese ber ük binada - Dönya Säwdä üzägeneñ tönyaq manarasında eşlägän bulğan, atası 77-nçe, ä ulı 105-nçe qatta. Berençe oçqıç binağa kilep bärelgäç Herb annan qaçıp çığa alğan, ä Todd inde yuğarıda biklänep qalğan. Şulay itep, atası ulın irtän eşkä bergä çığıp, yulda sawbullaşqannan soñ inde kürmägän. Xäbärçebezneñ Ouidadan, şul kön xätiräläre belän niçek bäxilläşä aldığız digän sorawına ul bolay dip cawap birde:
Audio, Herb Ouida
"Bu inde xäzer sezneñ bar tormışığızda qala torğan ber närsä. Härkem belä - ğäziz balañnı yuğaltudan da qatıraq ärnü bula almıy. Şul faciğäneñ çirattağı yıllığı yaqınlaşu belän ärnü bezneñ öçen tağın da awıraya ğına, di Ouida. Läkin ul alay da üzeneñ, cämäğäte belän tormışnıñ yaqtı yağına qararğa tırışuın da äytä. Xäzer Herb üzeneñ Dönya Säwdä üzägendäge eşennän kitep ulı Todd xätiräse xaqına maxsus yardäm fondı qorğan häm şunıñ aşa törle ruxi totrıqsızlıq kiçergän balalarğa bulışu eşen alıp bara. Bezneñ şul fond başqalar öçen ruxlandırğıç çişmäse bulsa ide, di Herb Ouida. 11-nçe sintäbr waqiğäläre amerikan ruxın ni däräcädä üzgärtte soñ digän sorawğa Ouida bolay di:
Audio, Herb Ouida
"Bezneñ, yäğni amerikannarnıñ ğäräplärgä häm Yaqın Könçığış keşelärenä qarata möğämäläbez nıq üzgärde, anı elekke xälenä qaytaru, tözätü öçen şaqtıy waqıt kiräk bulaçaq. Minem atam Livannan ide, häm möselman bulğan, islam dinen totqan keşelär öçen alarnı başqalardan şulay ayırıp quyu qotoçqıç närsä. İkençedän, bez üz irekleklärebezdän bik ciñel genä waz kiçügä taba alıştıq. Quşma Ştatlarda qabul itelgän "Patriot Act" - "Watandarlıq qanunı" bezne şaqtıy ğına ölkälärdä çikläde häm küp kenä irekleklärne tartıp aldı. Keşelär moña qarşılıq kürsätmi, çönki alar xäzer qurqa", di 11-nçe sintäbr höcümnärendä ulın yuğaltqan Herb Ouida. Ul könne niçek xäterlisez soñ digän sorawğa Herb:
Audio, Herb Ouida
"Bez eşkä, köndägeçä, bergä kittek. Vokzalğa citkäç min qalğan öleşne vapur, yäğni parom belän barası ittem, ä ul poyezdğa utırırğa buldı. Bez şunda ber-berebezgä xäyerle kön teläp taralıştıq häm min anı şunnan soñ inde kürmädem. Soñraq ul, oçqıç binağa kilep bärelgännän soñ änisenä şaltıratıp, anı tınıçlandırırğa tırışqan, häm basqıçlardan asqa töşäçägen äytkän. Minem xatın binalarnıñ nindi xäldä buluın kürü belän ömeten yuğaltqan ide inde, ä min isä anıñ fotoräsemen alıp xastaxanälärne tikşerep yördem, haman ulımnıñ şaltırtuın köttem" dip sürätli 11-nçe sintäbr waqiğälären Herb Ouida.
Kärim Kamal
Audio, Herb Ouida
"Bu inde xäzer sezneñ bar tormışığızda qala torğan ber närsä. Härkem belä - ğäziz balañnı yuğaltudan da qatıraq ärnü bula almıy. Şul faciğäneñ çirattağı yıllığı yaqınlaşu belän ärnü bezneñ öçen tağın da awıraya ğına, di Ouida. Läkin ul alay da üzeneñ, cämäğäte belän tormışnıñ yaqtı yağına qararğa tırışuın da äytä. Xäzer Herb üzeneñ Dönya Säwdä üzägendäge eşennän kitep ulı Todd xätiräse xaqına maxsus yardäm fondı qorğan häm şunıñ aşa törle ruxi totrıqsızlıq kiçergän balalarğa bulışu eşen alıp bara. Bezneñ şul fond başqalar öçen ruxlandırğıç çişmäse bulsa ide, di Herb Ouida. 11-nçe sintäbr waqiğäläre amerikan ruxın ni däräcädä üzgärtte soñ digän sorawğa Ouida bolay di:
Audio, Herb Ouida
"Bezneñ, yäğni amerikannarnıñ ğäräplärgä häm Yaqın Könçığış keşelärenä qarata möğämäläbez nıq üzgärde, anı elekke xälenä qaytaru, tözätü öçen şaqtıy waqıt kiräk bulaçaq. Minem atam Livannan ide, häm möselman bulğan, islam dinen totqan keşelär öçen alarnı başqalardan şulay ayırıp quyu qotoçqıç närsä. İkençedän, bez üz irekleklärebezdän bik ciñel genä waz kiçügä taba alıştıq. Quşma Ştatlarda qabul itelgän "Patriot Act" - "Watandarlıq qanunı" bezne şaqtıy ğına ölkälärdä çikläde häm küp kenä irekleklärne tartıp aldı. Keşelär moña qarşılıq kürsätmi, çönki alar xäzer qurqa", di 11-nçe sintäbr höcümnärendä ulın yuğaltqan Herb Ouida. Ul könne niçek xäterlisez soñ digän sorawğa Herb:
Audio, Herb Ouida
"Bez eşkä, köndägeçä, bergä kittek. Vokzalğa citkäç min qalğan öleşne vapur, yäğni parom belän barası ittem, ä ul poyezdğa utırırğa buldı. Bez şunda ber-berebezgä xäyerle kön teläp taralıştıq häm min anı şunnan soñ inde kürmädem. Soñraq ul, oçqıç binağa kilep bärelgännän soñ änisenä şaltıratıp, anı tınıçlandırırğa tırışqan, häm basqıçlardan asqa töşäçägen äytkän. Minem xatın binalarnıñ nindi xäldä buluın kürü belän ömeten yuğaltqan ide inde, ä min isä anıñ fotoräsemen alıp xastaxanälärne tikşerep yördem, haman ulımnıñ şaltırtuın köttem" dip sürätli 11-nçe sintäbr waqiğälären Herb Ouida.
Kärim Kamal