Accessibility links

Кайнар хәбәр

Başqortostan menän Tatarstannıñ berźäm kompleksı bulırmı?


Räsäy iqtisadi üźeş häm sawźa ministrı German Greftıñ Başqortostanda häm Tatarstanda neft ximiahı produkttarın eşkärtew buyınsa kompleks töźöü uyın Tatarstan premer-ministrı Röstäm Minexänov real proekt tip bahalağan. İntertat agentlığı xäbär itewensä, Röstäm Minexänov Tatarstandağı häm Başqortostandağı komplekstarźıñ üź milekseläre bulğanlıqtan xalıqara kiñässe yälep itew käräklegen dä beldergän. Ul berźäm komplekstıñ üźeş mömkinlektären yentekläp añlatırğa teyeş. Başqort häm tatar neft ximia komplekstarı ber-berehe menän tığıź bäylängän. Ägär federal kimäldä beź komplekslı programma töźöy alabıź ikän, ul ıñğay rezonans biräsäk tip beldergän Röstäm Minexänov. Başqortostanda Röstäm Minexänovtıñ bıl belderewenä tügel, German Greftıñ proektı turahında la işetkändäre yuq. Respublikala neft ximiahı kompleksı yabıq şirqättärźeñ berehe bulıp qala. Başqortostan neft ximiahı kompleksında beź jurnalistar menän höyläşmäybeź tinelär.
XS
SM
MD
LG