Süz uzğan yılda bulğan militsiä tazartuı turında bara. Bu eş tikşerelgännän soñ ul mäxkämägä cibärelde. Başta ul 12nçe, annan 14nçe sentäbrgä küçerelde. İnde kilep ul 12nçe oqtyäbrgä qaldırıldı. Säbäbe zıyan kürüçelärne tieşle waqıttan soñlap çaqıru. Qanun buyınça alar utırış bulası köngä qädär kim digändä biş kön aldan çaqırılırğa tieş. Çınlıqta küpläre bik soñap çaqırılğan, xätta qayberäwlär çaqırunı mäxkämä binasına kilgäç kenä alğan. Näticädä zıyan kürgän 347 keşeneñ utırışqa 66sı ğına kilgän bulıp çıqtı. Şular säbäple mäxkämä kiçekterelde. Zıyan kürüçelärneñ adwoqatı Stanislaw Markelov bu eşne qarawnı suzu öçen maxsus eşlänä dip beldergän.
