Accessibility links

Кайнар хәбәр

Sember tatarları bu yulı Putinğa soraw birmäde


Sember tatar cämäğätçelege Putinnıñ televizor aşa elekke çığışında üz sorawlarına cawaplar almağanına zur qänäğätsezlek belderep, bu yulı sorawlar birüdän totılıp qalğan. Mäsälän, İrşat Safin bıyılğı bitaraflığın menä niçek añlattı: “Prezidentnı küpsanlı tatar xalqınıñ tele yazmışı tügel – 9 yäşlek sabıynıñ Putin köçege näselenä iä bulu xıyalı kübräk qızıqsındıra ikän, häm ul bu turıdağı soraw il xalqı öçen dä möhim dip sanıy ikän – annan närsä kötäseñ inde?!” Şulay da berniçä keşe, milli temağa qağılmıyça, sorawlar birep qarağan. “Vıravnivanie regionov” şiğere astında yalqaw töbäklärne Mäskäwdän kilep toruçı aqça belän azdıru Sezneñ “Watandaşlar cämğiäte” tözü buyınça tırışlığığızğa zarar kitermäsme soñ? Atom qaldıqların yuq itü öçen çit illär birgän 20 milliard dollarnıñ küpme öleşe ilneñ atom çüplegenä äyländerelgän Dimitrovgradqa tätede? Läkin bu sorawlar xucaları da yuqqa ğına 3 säğät waqıtları sarıf itep Putinnı tıñlap utırğannar.
XS
SM
MD
LG