Minski. Belarus oppozitsiäse kiläse yılda ütäçäk prezident saylawlarında Aleksandr Lukaşenkağa qarşı torırlıq üzeneñ berdäm nämzäten bilgeläde. Şul maqsatta Minskidä oppozitsiäneñ 800-läp wäkile qatnaşqan zur cıyında Belarusneñ Demokratik köçläre berdäm nämzät itep 58 yäşlek Aliaksandr Milinkeviçne sayladı. Anı yaqlap 399 wäkil tawış birgän, 391-e ikençe däğwaçı, Berläşkän Watandaşlar partiäse räise Anatol Liabedkanı yaqlağan. Belarusneñ elekke citäkçese Stanislav Şuşkeviç süzlärenä qarağanda, Lukaşenka xakimiate şuşı cıyın eşenä törleçä kirtälär qorırğa tırışqan.
