Törkiä respublikasınıñ Tatarstandağı yaña wäkile Qazanğa kilep, üz wazifalarına kereşte. İsmail Xaqqı Musa kitkännän soñ respublikadağı bişençe general’ konsul itep Kemal Dimerceler bilgelände. Qazanğa kilgänçe, ul Törkiäneñ Oman, İtaliä, Kuwäyt, Äfğanstan ilçeleklärendä, Törkiäneñ Tışqı eşlär ministrlığında eşlägän. 11 oktäberdä Kemal Dimercelerne Tatarstan prezidentı Mintimer Şäymiev qabul itte. Qotlawlardan soñ, oçraşuda süz Törkiä belän Tatarstan arasındağı elemtälärne tağın da nığıtu turında bardı, dip xäbär itä Tatar-inform agentlığı.
Gölnaz İlgizär
