Rusiä Federätsiäseneñ ictimağıy palatı tözelä. Ufada palatnı oyıştıru konferensiäsenä deleğätlar saylandı. Anda 20 keşe. Alar Tübän Novğorodta İdel buyı federäl oqruğına kergän töbäklär wäkilläre qatnaşlığında uzaçaq konferensiädä qabat iläk aşa ütkäreläçäk. Ufada uzğan ul çara respublik parlamentı binasında, xaqimiät ssenarienda uzdı. Bilgele etnosäyäsätçe İldar Ğabdräfıyqov anda barı tik kesä cämägätçelek oyışmaları citäkçeläre genä çaqırıluın telgä alıp, “Xökümätne qontrol'dä totarğa tieşle bu palatnıñ xökümät tıqşınuı belän oyıştırıluı federälizm nigezlärennän yıraqlaşqannan-yıraqlaşu digän süz ul”,— dip belderde.
