Qazaxstan iñ küp neft häm gaz eksportlawçı unlıqqa omtıla

Qazax prezidentı Nursoltan Nazarbayev Qazaxstan 2012-nçe yılğa iñ küp neft häm gaz eksportlawçı 10 il arasında bulırğı cıyına dip belderde. Monı ul Astanädä Qazax Säwdä Berlege Federatsiäseneñ 21-nçe kongressında äytte. "2012-nçe yılğa Qazaxstan dönyada iñ küp neft' häm gaz eksportlawçı 10 ilneñ berse bulırğa tieş. Ğömümi sänäğät citeşterüe 2 märtäbä artırğa tieş. Häm bu maqsatqa ireşü öçen neft' häm gaz tarmağı häm böten qazılma baylıqlar sänäğäte töp donor bulaçaq" dide Nazarbaev.

Nazarbayev şulay uq Qazaxstan dönyada iñ küp aşlıq eksportlawçı 5 il arasında bulırğa tieş dide. Ul şulay uq 2012-nçe yılğa Qazaxstanda xezmät xaqlarınıñ da 2 märtäbä artaçağın wäğdä itte.