Accessibility links

Кайнар хәбәр

Tatar ictimağıy üzäge qorıltayğa cıyıldı


Anda oyışma isemen üzgärtte. Ägär ul elek “Başqortstan tatar ictimağıy üzäge säyääsi berlege” dip atalsa, xäzer “Tatar ictimağıy üzäge cämägätçelek berlege” dip atalaçaq. Oyışmanıñ isemen üzgärtü anıñ şul isemdä qabat räsmi terkälä almawı belän bäyle. Eş şunda — soñğı çorda TİÜne yabu öçen mäxkämä eşläre başlanğan ide. TİÜneñ säyäsi oyışma bularaq qanun buyınça terkälü mömkinçelege yuq. Seber tülämäseneñ ikençe oçrağı terkälde. Berençe tapqır Ğafurıy rayonında ber awıru sıyır tabılğan ide. İkençe şundıy oçraq Quyırğazı rayonında terkälde. Ğafurıy rayonında ul ber xatın-qızğa da yoqqan ide. Monısınıñ yoğu oçrağı älegä açıqlanmağan. Uzğan yal Başqortstannıñ xalıq şağire Mostay Kärimneñ märxümenä 40 kön tuldı. Şul uñaydan Ufada xäter kiçäläre bulıp ütte. Ğädättä bilgele keşelärneñ isemnären üzläreneñ wafatınnan soñ ğına mäñgeläşterä başlasalar, Mostay Kärimgä üze isän çaqta uq häykäl quyılğan bulğan. Ul Mäçetle rayonınıñ Iştamaq awılında. Häykälne quyu tarixı şulay bulğan — siksänençe yıllar urtasında mäçetlelär Mäskäwdä Leninğa häykäl yasatu öçen zaqaz birä. Anı alırğa barğaç. Lenin häykäle yanında Mosay Kärimneñ märmärdän eşlängän byustı barlığın kürep, anıñ da xaqın tüläp alıp qaytıp kitälär. Ul häykäl 1989nçı yılda açıla.

Mönir WAFİN. Ufa
XS
SM
MD
LG