Accessibility links

Кайнар хәбәр

Qırğız xakimiätläre törmälärdä wäzğiätne kontrol'gä aldı


Qırğız xakimiätläre kiçä çualışlar bulğan 6 törmäne yañadan kontrol'gä aluları turında belderä. Törmälärneñ qayberlärendä xoquq saqlaw xezmätkärläre ğisyançı totqınnar belän bäreleşte. Xakimiätlär 4 totqın üterelde disä, başqa çığanaqlar 20-läp totqın ülde dip belderä. Azatlıq radiosınıñ qırğız redaksiäsenä interviewda Yustitsiä ministrı Marat Kaipov xäzer wäzğiät kontrol'dä dip belderde. Ämma anıñ äytüençä Bişkäk yanındağı 2 törmädä açlıq iğlan itelgän. "1-nçe törmädä totqınnar açlıq iğlan itte. Ämma barısı da tügel. 27-nçe törmädä dä şul uq xäl. Anda da barısı da tügel. Waqıtlı totqarlaw urınnarında da qayber totqınnar açlıq iğlan itte" dide Kaipov

Bügen prezident Kurmanbek Bakiev törmälärdäge ğisyanğa qarşı köç qullanunı yaqlap, üzläre köç qullanğannarğa qarata ber dä ikelänmi köç qullanaçağın belderde. Totqınnar berençe bulıp ata başladı dide Bakiev.
XS
SM
MD
LG