Accessibility links

Кайнар хәбәр

Azärbaycanda ğomüm saylawlar ütte


Baqı -- Parlamentağı 125 urınğa barlığı meñ-yarım namzät däğwa itä. Räsmilär tawış birülär tınıç ütte dip belderä. Oppozitsiä citäkçeläre isä saylaw aldı kompaniäsendä dä, tawış birü waqıtında da küp sanlı tärtip bouzlar buldı dip belderä. Tawış birülärne 1600 çit il häm 17 meñ cirle küzätüçe küzätkän. Ämmä oppozitsiä citäkçeläre äytüençä, qayber urınnarğa alarnıñ küzätüçeläre kertelmägän. Kievtağı Mäglümät İnstitutı xezmätkäre Serhiy Taran Ukrainadan kilgän 16 küzätüçeneñ Baqı hawa alanında kire borılıp cibärelüen xäbär itte. Azatlıq berlegenä kergän Musavat partiäse citäkçese İsa Ğämbär, kiläse adımnı yasar aldınnan, oppozitsiä citäkçeläre başta saylaw näticälären tikşeräçäk dide. Berençe näticälär bügen töngä kötelä.
XS
SM
MD
LG