Ğiraq prezidentı Cäläl Talabani İtaliäne Ğiraqtan ğäskärlärne çığarmasqa soradı. La Stampa gazetında bastırğan xatında Talabani, Ğiraqtan 3 meñlek İtalyan xärbilären çığaru – faciğa bulaçaq, digän. Talabani xäzer İtaliädä säfärdä, anıñ prezident carlo Azeglio Ciampi, premyer-ministr Silvio Berlusconi, Rim papası Benedikt XVİnçı belän oçraşuı qaralğan. Ul arada Ğiraq belän Süriä çik buyında "Qorıç Pärdä" isemle xärbi çara qısalarında ğısnyançılarnı ezläw däwam itä. Husaybah şähärendä 1 amerikan xärbie häläk bulğan. Amerikan polkovnigı Stephan Davis süzlärenä qarağanda, 36 suğışçı üterelgän, 200gän yaqın keşe qulğa alınğan.
