Xalıq fikere:
Äye, min Parijdağı şartlawlar turında işettem häm bu möselmannarnıñ eşe ide digän süzlär çıqqaç, bik uñaysızlandım. Möselman keşese andıy adımğa bara almıy dip uylıym. Möselman bulmağan alar. Üzebezdä mondıy xällär bula kürmäsen. Alla saqlasın.
Min uylıym bezdä andıy faciğälär bulmas. Ozaq yıllar totrıqlı cämğiättä yäşädek. Häm respublikanı M.Şäymiev citäklägän waqıtta mondıy xällär bulmas, minemçä.
Bu könnärdä, bıyıl mondıy tärtipsezleklär bulmayaçaq. Ä un yıldan soñ närsä bulasın äytüe qıyın.
Bulmas dip uylıym, çönki kilüçelärne bezdä yaxşı qarşı alalar, üzen sabır totarğa tırışa xalıq. Andıy faciğälär bezdä bula kürmäsen inde.
Miña qalsa, bu bezdä bulu mömkin, läkin ul bulmayaçaq. Çönki tatar xalqında sabırlıq bik köçle. Häm millätçelek köçle bulsa da, andıyğa barıp citmäde äle ul. İñ berençe urında keşe xoquqları torırğa tieş.
Al'bina Zäynulla
