Parij -- Fransiä xökümäte ike atna çaması barğan çualışlarğa qarşı ğädättän tış çaralar rasladı. Xökümätneñ maxsus utırışında qabul itelgän qarar nigezendä, çualışlar barğan töbäklärdä cirle räsmilär komendant säğäte kertä alaçaq. Bu tärtip bügen tön urtasınnan başlap 12 köngä kertelä. Yaña çaralarnı ğämälgä politsiä qayaçaq, xärbilär älegä cälep itelmi. Premier-ministr Dominik de Vellepin, komendant säğäten bozuçılarğa 2 ay törmä yanıy, dip kisätte. "Politsiägä oyışqan törkemnär qarşı tora, tärtip urnaştıru öçen waqıt kiräk bulaçaq", dide ul. Çualışlar uzğan töndä dä däwam itkän, ämmä atna axırı belän çağıştırğanda beraz tınıçraq bulğan dielä. Politsiä belderüençä, meñnän artıq maşina yandırılğan, 300dän artıq keşe qulğa alınğan.
