Accessibility links

Кайнар хәбәр

Fransiä Süriäne BMO belän xezmättäşlekkä çaqıra


Fransiä prezidentı Jacques Chirac bügen matbuğat oçraşuı waqıtında, Süriä elekke Livan premyer-ministrı Rafiq Haririnıñ ülemen tikşerkän komissiä belän xezmättäşlek itergä tieş, yuqsa aña sanksiälär yanıy, dip belderde. Haririrnıñ ülemen tikşerkän BMO wäkile Detlev Mehlis, Süriäneñ, Dämäşkkä kilep xezmättäşlek yulları turında söyläşergä çaqıruın kire qaqqan. Bu xaqta bügen Süriä prezidentı Başar Assad televideniädä yasağan çığışında belderde. Mehlis citäkçelegendäge törkem uzğan ayda iğlan itkän xisapta Haririnı üterügä Süriä räsmiläreneñ qatnaşı bar, dip belderde. Süriä qatnaşın kire qağa, Assad, xisapta moña ber nindi dä dälil yuq, dip östäde. Süriä prezidentı tikşerügä yärdäm itäçägen äytte, ämma bu eştä Süriäneñ üz milli mänfäğätlärenä ziyan kitermiäçägenä basım yasadı.
XS
SM
MD
LG