İnde ğämäldä bulğan öç qanunğa ictimaği oyışmalar eşenä qarağan yaña tözätmälär kertü niäte belän Däwlät Dumasında nigezdä Kreml'' qorğan "Yedinaya Rossiä" partiäse deputatlarınnan toruçı ber törkem çıqqan ide. Şul deputatlarnıñ berse Vladimir Pligin, üzgäreşlär barı tik qayber ictimaği oyışmalarnıñ aqça yuuna qarşı kirtälär quyu kiräklege belän genä añlatıla dip belderä. Häm şunda uq, bu äle bar Rusiä cirlegendä terror wä ekstremizm taraluğa da qomaçawlayaçaq, dip östi.
Ägär dä täqdim itelgän üzgäreşlär Duma tarafınnan qabul itelsä, härber ictimaği oyışma üz eşçänlegen başlap cibärü öçen maxsus tözelgän däwlät komissiäsennän fatixa alırğa tieş bulaçaq, monı ul ber yıl buyı kötä ala. Monı isä oyışmalar üzläre, xakimiatkä oşamağan, anı tänqitlägän eşçänlekne tuqtatu öçen ber awızlıqlaw çarası bularaq bäyäli. Mäskäwdäge AQŞ häm Kanadanı öyränü institutı mödireneñ urınbasarı Viktor Kremençuk, Duma qarağan tözätmälär demokratik oyışmalarğa ğına tügel, törle ğalim-ğölämägä dä qarşı yasalğan ber höcüm bulıp tora, di:
"Alar xäzer şulay itep törle fänni waqıflarğa qarşı çaralar kürä başlayaçaq, monı inde şiklänmi äytep bula. Bu ildä barğan härnärsäne tağın da qısu öçen kürelgän şaqtıy axmaq, mänsez ber tırışlıq. Min fän öçen, bigräk tä ictimaği fännär öçen, ğalimnär öçen, qaraşları Dumada östenlek itkänennän ayırılğan keşelär öçen borçılam. Bu bezneñ barıbızğa da qarşı yasalğan höcüm, bezneñ xoquqlarnı qısu bulıp tora", di Viktor Kremençuk.
Rusiä citäkçelege soñğı yıllarda çınnan da, Gruziä, Ukraina, Qırğızstanda bulğan waqiğälärdän soñ ildä eşlägän törle ictimaği oyışmalardan şürli başladı, alar, bigräk tä aqçanı çittän alğannarı, xalıqnı qotırtu belän şöğellände digän ğäyepläwlär işetelde. Yül ayında prezident Vladimir Putin üze, çit illärneñ Rusiädäge säyäsi eşçänlek öçen aqça birüenä yul quymayaçağın beldergän ide.
Ägär dä Duma täqdim itelgän üzgäreşlärne qabul itsä, üzäge Quşma Ştatlarda urnaşqan Human Rights Watch, yäisä üzäge Britaniädä bulğan Amnesty İnternational kebek xalıqara oyışmalar Rusiäge eşçänlegen xäzerge tösle wäkilçelek aşa alıp bara almayaçaq. Elegräk näq şundıy uq qırıs çaralarnı üz ilendä Belarus prezidentı Aleksandr Lukaşenka da kürgän ide, küzätüçelär, Rusiä şunı qabatlarğa buldı dip belderä. "Memorial" törkemendä eşläwçe Aleksandr Çerkasov, Lukaşenka belän çağıştıru berni tügel, bu Stalin çorın xäterlätä, dip isäpli:
"Säyäsi partiälär, däwlät organnarı häm mäğlümat çaralarınnan soñ, xökümätkä bäyle bulmağan ictimaği oyışmalar däwlät kontrole astına alınmağan soñğı buın ide. Ägär dä alar xäzer tözätmälär kertep sivil cämğiatne Belarustäge tösle qorırğa cıyına ikän, barısı da añlaşıla - bez Stalin çorındağı Sovetlar berlegenä qaytabız digän süz", di "Memorial" oyışmasında eşläwçe Aleksandr Çerkasov.
Kärim Kamal
Ägär dä täqdim itelgän üzgäreşlär Duma tarafınnan qabul itelsä, härber ictimaği oyışma üz eşçänlegen başlap cibärü öçen maxsus tözelgän däwlät komissiäsennän fatixa alırğa tieş bulaçaq, monı ul ber yıl buyı kötä ala. Monı isä oyışmalar üzläre, xakimiatkä oşamağan, anı tänqitlägän eşçänlekne tuqtatu öçen ber awızlıqlaw çarası bularaq bäyäli. Mäskäwdäge AQŞ häm Kanadanı öyränü institutı mödireneñ urınbasarı Viktor Kremençuk, Duma qarağan tözätmälär demokratik oyışmalarğa ğına tügel, törle ğalim-ğölämägä dä qarşı yasalğan ber höcüm bulıp tora, di:
"Alar xäzer şulay itep törle fänni waqıflarğa qarşı çaralar kürä başlayaçaq, monı inde şiklänmi äytep bula. Bu ildä barğan härnärsäne tağın da qısu öçen kürelgän şaqtıy axmaq, mänsez ber tırışlıq. Min fän öçen, bigräk tä ictimaği fännär öçen, ğalimnär öçen, qaraşları Dumada östenlek itkänennän ayırılğan keşelär öçen borçılam. Bu bezneñ barıbızğa da qarşı yasalğan höcüm, bezneñ xoquqlarnı qısu bulıp tora", di Viktor Kremençuk.
Rusiä citäkçelege soñğı yıllarda çınnan da, Gruziä, Ukraina, Qırğızstanda bulğan waqiğälärdän soñ ildä eşlägän törle ictimaği oyışmalardan şürli başladı, alar, bigräk tä aqçanı çittän alğannarı, xalıqnı qotırtu belän şöğellände digän ğäyepläwlär işetelde. Yül ayında prezident Vladimir Putin üze, çit illärneñ Rusiädäge säyäsi eşçänlek öçen aqça birüenä yul quymayaçağın beldergän ide.
Ägär dä Duma täqdim itelgän üzgäreşlärne qabul itsä, üzäge Quşma Ştatlarda urnaşqan Human Rights Watch, yäisä üzäge Britaniädä bulğan Amnesty İnternational kebek xalıqara oyışmalar Rusiäge eşçänlegen xäzerge tösle wäkilçelek aşa alıp bara almayaçaq. Elegräk näq şundıy uq qırıs çaralarnı üz ilendä Belarus prezidentı Aleksandr Lukaşenka da kürgän ide, küzätüçelär, Rusiä şunı qabatlarğa buldı dip belderä. "Memorial" törkemendä eşläwçe Aleksandr Çerkasov, Lukaşenka belän çağıştıru berni tügel, bu Stalin çorın xäterlätä, dip isäpli:
"Säyäsi partiälär, däwlät organnarı häm mäğlümat çaralarınnan soñ, xökümätkä bäyle bulmağan ictimaği oyışmalar däwlät kontrole astına alınmağan soñğı buın ide. Ägär dä alar xäzer tözätmälär kertep sivil cämğiatne Belarustäge tösle qorırğa cıyına ikän, barısı da añlaşıla - bez Stalin çorındağı Sovetlar berlegenä qaytabız digän süz", di "Memorial" oyışmasında eşläwçe Aleksandr Çerkasov.
Kärim Kamal