Fransiä başqalasına il buylap barğan çuwalışlar älegä qağılmadı, polisiä tärtipne saqlap qalırğa teli. Parij uramnarına östämä meñlägän polisiä xezmätkäre çıqtı. Bu ğämäl başqala xalqında qarşılıqlı fikerlär uyattı, misal öçen Julian isemle berse, mondıy çaralar möhim, dide:
"Bu çaralar ähämiätle, alarnı kertergä kiräk ide. Xäzer närsägä ireşep bulasın waqıt kürsätäçäk."
Parij uramında uzıp baruçı ikençe keşe – başqa törle qaraş belderde:
"Soñğı çaralar bälki dörester, läkin keşelärneñ yäşäw räweşen bozu da döres tügel."
Fransiädä mondıy baş kütärüneñ 30 yıldan artıq bulğanı yuq ide. 2 atna çaması elek Parij yanındağı bistädä 2 yäşüsmer polisiädän qaçqanda ülgännän soñ tärtipsezleklär böten il buylap taraldı. Rasaçılıq, eşsezlek häm küp törle yuğaltularğa açu beldergän yäşlär tönnären meñlägän maşinanı yandırdı, distälägän binanı cimerde. Sişämbe könne xökümät şähär häm ölkä xakimiätläre qaramağına, cıyınnarnı tıyu häm kommendant säğäte kertü röxsäten birde. Şunnan soñ köç qullanu kimi töşsä dä, uzğan töndä tağın çuwalışlar bulğan, dip xäbär itelä.
Parij polisiäse başlığı Pierre Mutz, xalıqnı ber urınğa cıyıludan tıyu ul – keşelärneñ uramda yörüen çikläw öçen tügel, ä xalıqnıñ üzläreneñ köndälek tormışın däwam itüe öçen eşlänä, dip belderde. Ämma nindi dä bulsa tärtipsezleklär bulu ixtimalı ğına da inde säwdägärläreneñ eşlärenä ziyan kiterde. Parij üzägendä säwdä noqtasında suvenirlar satuçı Sami, comğa könne xäbärçebezgä menä närsälär belderde:
"Parijğa tärtipsezleklär bu yal könnäre, bügen kiç yä irtägä kilep citäçäk dip äytelde. Qurqu qurqu uyata. Qızğanıçqa qarşı bu bezgä nıq täsir itä. Qarağız menä – säğät 8, tirä-yaqta ber kem dä yuq, keşelär qurqıp öylärenä taralıştı."
11 noyaber - 1918nçe yılda 1nçe dönya suğışınıñ soñğı köne, kileşü köne bularaq bilgelänä. Suğış tämamlanu könnären Fransiä tınıçlıqta uzdırırğa ömetlänä.
alsu qormaş
"Bu çaralar ähämiätle, alarnı kertergä kiräk ide. Xäzer närsägä ireşep bulasın waqıt kürsätäçäk."
Parij uramında uzıp baruçı ikençe keşe – başqa törle qaraş belderde:
"Soñğı çaralar bälki dörester, läkin keşelärneñ yäşäw räweşen bozu da döres tügel."
Fransiädä mondıy baş kütärüneñ 30 yıldan artıq bulğanı yuq ide. 2 atna çaması elek Parij yanındağı bistädä 2 yäşüsmer polisiädän qaçqanda ülgännän soñ tärtipsezleklär böten il buylap taraldı. Rasaçılıq, eşsezlek häm küp törle yuğaltularğa açu beldergän yäşlär tönnären meñlägän maşinanı yandırdı, distälägän binanı cimerde. Sişämbe könne xökümät şähär häm ölkä xakimiätläre qaramağına, cıyınnarnı tıyu häm kommendant säğäte kertü röxsäten birde. Şunnan soñ köç qullanu kimi töşsä dä, uzğan töndä tağın çuwalışlar bulğan, dip xäbär itelä.
Parij polisiäse başlığı Pierre Mutz, xalıqnı ber urınğa cıyıludan tıyu ul – keşelärneñ uramda yörüen çikläw öçen tügel, ä xalıqnıñ üzläreneñ köndälek tormışın däwam itüe öçen eşlänä, dip belderde. Ämma nindi dä bulsa tärtipsezleklär bulu ixtimalı ğına da inde säwdägärläreneñ eşlärenä ziyan kiterde. Parij üzägendä säwdä noqtasında suvenirlar satuçı Sami, comğa könne xäbärçebezgä menä närsälär belderde:
"Parijğa tärtipsezleklär bu yal könnäre, bügen kiç yä irtägä kilep citäçäk dip äytelde. Qurqu qurqu uyata. Qızğanıçqa qarşı bu bezgä nıq täsir itä. Qarağız menä – säğät 8, tirä-yaqta ber kem dä yuq, keşelär qurqıp öylärenä taralıştı."
11 noyaber - 1918nçe yılda 1nçe dönya suğışınıñ soñğı köne, kileşü köne bularaq bilgelänä. Suğış tämamlanu könnären Fransiä tınıçlıqta uzdırırğa ömetlänä.
alsu qormaş