Analizcıbıznıñ fikerençä, bu täğäyennär prezident administratsiäseneñ bu ike okrugta mäxsus väkillärneñ qıyın problemmalar belän mäşğül buluların , yäisä Kreml küzätüennän tış monı eşlävlären telämäven kürsätä. Annan başqa politik yaqtan nigeze yomışaq bulğan bu ike keşene bilgeläv Kremlneñ regionnarda üzläreneñ xakimiät bazasın buldırırğa sälätle keşelärne mondıy cavaplı urınğa bilgeläv belän täväkkällek itärgä telämäven dä kürsätä. Qazan şähär başlığı Kamil İsxaqov munisipal däräcädän üsteneräk pozitsiädä häm Qazannan çittä eş itü mäsäläsendä täcribäsez. Ul üzeneñ yaña pozitsiäsendä 10 regionnı üz eçenä alğan Yıraq Könçığış Federal Okrugın küzätep baraçaq. Vaqıtı vaqıtı belän Tatarstanda Kamil İsxakovnıñ prezidentlıq postına däğväse bar digän xäbärlär dä taralğan ide. Politik Texnologiä Üzägennän Aleksey Makarkin Yana İzvestiäneñ 15-nçe Noyäber sanında İsxakovnı yana pozitsiägä bilgeläv anı Tatarstan prezidentı pozitsiäsenä äzerläv bulıp tora dip yazıp çıqtı. İnde İsxakovtan elekke väkil Pulikovskiygä kilgändä anıñ federal xökümättä genä tügel, ä ğomumän xökümättä eşläv täcribäse yuq ide. Ul berençe Çeçnä suğışında komandir bulıp xezmät itte . Anıñ üz çığışlarında totnaqlıq kürsätmäve, üzenä Tanka quşamatınıñ birelüenä säbäp buldı. Soñğı vaqıtlarda totqan pozitsiäse, qayber eşçänlege Kreml häm tışqı eşlär ministerlegendäge qayber dairälärgä qapma-qarşı buldı. Anıñ Tönyaq Korea prezidentı Kim Jong-Li belän duslaşuı , 2001-nçe yılnıñ august ayında Kimne progressiv citäkçe, ul Petr Berençe kebek ilen dönyağa açarğa teli dip belderüe , qayber dairälärgä oxşap betmägänder. Yıraq Könçığıştağı reaksiä turında beznen Amurdağı Komsomolskiydäge xäbärçebez İra Tacievanı tıñlağız.
Audio
Sez Amurdağı Komsomolskiydän haberçebez İra Tacievanı tıñladığız. İsxakov Şäymievneñ urnın alırğa telägän xäldä, ul Mäskävgä üzeneñ turılıqlılığın, tulı xezmättäşlegen kürsätergä häm federal xakimiätlärgä qarşı bulğan cämağätçelekneñ qänäğätsezlegen üzeneñ genä tuqtatırğa sälätle buluın ispatlarğa tieş bulaçaq. Ä inde İdel okrugına bilgelängän Başqortostan prokurorı Aleksander Konovalovqa kilgändä, anıñ San Piterdän çittä ber nindi dä täcribäse dä yuq. Ul tik bu yılnıñ başlarında ğına Başqortostanğa prokuror itep bilgelände. Xäzer ul 15 regionnı, şul sanda Tatarstan häm Başqortostannı üz eçenä alğan İdel Federal Okrugın kontrol itäçäk. Elek bu vazıyfanı ütägän Kirinko bu postlar vaqıtlıça ğına häm cirle qanunnar, federal qanunarğa yaraqlaştırılğannan soñ, alar aqırınlap yuqqa çığaşaq dip belderep kilde. Bolar radiobıznıñ analizçısı Julie Corwinneñ fikerläre.
Färit İdelle, Praga.
Audio
Sez Amurdağı Komsomolskiydän haberçebez İra Tacievanı tıñladığız. İsxakov Şäymievneñ urnın alırğa telägän xäldä, ul Mäskävgä üzeneñ turılıqlılığın, tulı xezmättäşlegen kürsätergä häm federal xakimiätlärgä qarşı bulğan cämağätçelekneñ qänäğätsezlegen üzeneñ genä tuqtatırğa sälätle buluın ispatlarğa tieş bulaçaq. Ä inde İdel okrugına bilgelängän Başqortostan prokurorı Aleksander Konovalovqa kilgändä, anıñ San Piterdän çittä ber nindi dä täcribäse dä yuq. Ul tik bu yılnıñ başlarında ğına Başqortostanğa prokuror itep bilgelände. Xäzer ul 15 regionnı, şul sanda Tatarstan häm Başqortostannı üz eçenä alğan İdel Federal Okrugın kontrol itäçäk. Elek bu vazıyfanı ütägän Kirinko bu postlar vaqıtlıça ğına häm cirle qanunnar, federal qanunarğa yaraqlaştırılğannan soñ, alar aqırınlap yuqqa çığaşaq dip belderep kilde. Bolar radiobıznıñ analizçısı Julie Corwinneñ fikerläre.
Färit İdelle, Praga.