Accessibility links

Кайнар хәбәр

AQŞ häm Könyaq Korea citäkçeläre: atom belän qorallanğan Tönyaq Koreağa tüzemlek kürsätelmiäçäk


Comğa häm şimbä könnärendä Pusanda bulaçaq Aziä-Tın Okeanı Xezmättäşlek Summitına qatnaşaçaq AQŞ citäkçese G.Bush bu könnärdä Aziä illärendä säfärdä yöri.Atnakiçtä Könyaq Korealı xezmättäşe Roh Moo-hyun belän oçraşudan soñ, ike citäkçe dä Tönyaq Koreanıñ atom qorallarına iä buluına röxsät itmiäçäklären belderde.Alar atom mäsäläse diplomatik yullar belän xäl qılınırğa tieş digän qaraşta. G.Bush sonğı çiktä ike Koreanıñ berläşüen yaqlıym dip belderde

AQŞ prezidentı G.Bush häm Könyaq Korea citäkçese Roh Moo-hyun atom qoralları belän qorallanğan Tönyaq Koreağa tüzemlek kürsätelmiäçäk dip äyttelär. Roh Moo-Hyun:

Tönyaq Koreanıñ atom mäsäläsenä kilgändä , bez Tönyaq Koreanıñ atom belän qorallanuına röxsät itmiäçägebezne qabatlap mäsäläneñ tınıç diplomatik yullar belän qıl qılu kiräklegen rasladıq dip äytte könyaq Korea citäkçese

G.Bush, Tönyaq Korea qoralsızlanmıy torıp AQŞ aña ciñel su atom reaktorı tözügä yardäm itmiäçäk digän administratsiäneñ pozitsiäsen qabatladı. Bush süzlärençä:

Mäsälä çınlap ta ciñel su reaktorında. Bez ciñel su reaktorın kileşle waqıtta uylıyaçaqbız digän pozitsiädä torabız.Kileşle waqıt digänem alarnıñ atom qoralları yäki programmalarınnan wazkiçkän buluları isbatlağannan sonğı waqıt bulıp tora.

Altılı söyläşülärdä sintäber ayında borılış bulğan häm Pxenyang yardäm häm iminlek garantiälärenä almaşqa qoralsızlanaçağın belderrp sivil mäqsatlar öçen ciñel su reaktorın tözep birüne dä taläp itkän ide. İke citäkçe dä Tönyaq Koreanıñ atom programması turındağı altılı söyläşülärgä däwam itü kiräklegenä basım yasadı.Şuşı söyläşülärgä bilgele bulğança Rusiä,Qıtay , Yaponiä ike Korea häm AQŞ qatnaşa. Roh yaña raund söyläşülär mömkin bulğan qädär tizlektä başlanırğa tieş dide . G.Bush Washington belän Seul mönäsäbätläreneñ ber qayçan da şundıy yaxşı bulğanı yuq ide dip äytep sonğı çiktä ike Koreanıñ berläşüen yaqlıym, bergäläp eşläw näticäsendä utraunıñ tınıçlıqta berläşüe bik mömkin digän..Urtaq belderüdä Korea yarım utrawında xärbi qurqınıçnı kimetü älege atışlarnı tuqtatu mexanizmınnan tınıçlıq mexanizmına taba baru tatulaşuğa häm Korea utrawınıñ tınıç räweştä berläşüenä öleş kertäçäk dip äytelä. Solıx kileşüe turındağı söyläşülär 1997.yılnıñ dikäberendä Jenevada başlanğan ämma 1998de Tönyaq Koreanıñ , Korea utrauındağı AQŞ köçläreneñ çigenü mäsäläse räsmi köntärtibenä kertelsen digän taläbe häm başqa säbäplärdän özelde .Älege waqıtta Seulda bulğan Qıtay prezidentı Hu Jintao da sonğı çiktä ike Koreanıñ berläşüen yaqlıy. 1950 belän 53nçe yıllar arasındağı suğış , atışlarnı tuqtatu kileşüe häm utraunıñ ikigä bülenüe belän tämamlandı. Texnik yaqtan qarağanda tönyaq belän könyaq äle dä suğış xälendä färidä xämit
XS
SM
MD
LG