Accessibility links

Кайнар хәбәр

Qazan däwlät universitetı tıynaq qına bäyräm itä


Atna kiç Qazan däwlät universitetı ike yöz ber yäşen tutırdı. Küptän tügel genä tügäräk datasın - 200 yıllığın bilgeläp ütkän universitetta ällä ni qupşı çaralar bulmadı. Qazan däwlät universitetınıñ tuğan könenä bağışlanğan tantanalı utırış studentlar çığışı belän başlanıp kitte. Kiçen “Uniks” konsertlar zalında konsert programması belän tämamlandı. Qunaqlar ällä ni küp kilmägän. Aralarında Qazan şähäreneñ elekke merı Qamil İsxakov bar ide. Ul niçek yılmayıp kergän bulsa, şulay yılmayıp çığıp ta kitte. KDU rektorı Mäğsüm Säläxov universitetnıñ bıyıl dönyadan kitkän uqıtuçıların, professorların ber minut tınlıq belän iskä alırğa çaqırdı. Süzen däwam itep, ul 200 yıllıq yubileydan soñ danı yıraqlarğa tanılğan uqu yortınıñ yaña uñışları häm kiläçäktäge plannarı belän tanıştırdı. Şulay uq 2005 yılda universitetnıñ “Atqazanğan professorların”na maqtaw käğäzläre tapşırdı. Alar arasında akademik İndus Tahirov ta bar ide. Ul üzeneñ räxmäten beldergän çığışında bolay dide: - Nindi genä uñışlarğa ireşsäm dä, barsı öçen dä min universitetqa burıçlı. Min härwaqıt sezneñ belän buldım häm ğömeremneñ soñğı könnärenä qädär bulaçaqmın. Bik zur räxmät sezgä! KDU tuğan könendä törle fakul'tet dekannarı, professorları ğına bäyräm itte. Ä bu waqıtta studentlarğa uqıtuçılar däres uqıttı. Röstäm İsxaqi
XS
SM
MD
LG