21 Aziä-Tın okean ileneñ citäkçeläre Könyaq Koreada 2 könlek sammit açılışında Yewropa Berlegen awıl xucalığı subsidiäläre mäs'äläsendä sığılmalılıq kürsätergä çaqırdı.
Könyaq Korea tışqı eşlär ministrı Ban Ki Mun Aziä-Tın okean İqtisadıy Törkeme APEC Yewropa Berlegen awıl xucalığı tawarlarına tariflarnı küpräk kimetergä häm ayırım Yewropa illären awıl xucalığı exportı subsidiälären kimetergä yäki beterergä çaqıra dide.
Sammit citendä AQŞ prezidentı George Bush belän Rusiä prezidentı Vladimir Putin ayırım oçraşıp ber säğät çaması İran, Tönyaq Korea, Süriä häm başqa mäs'älälär turında söyläşte.
Putin Qıtay prezidentı Hu Jintao beln ayırım oçraşudan soñ üzara strategik xezmättäşlekkä qänäğätlek belderde.
Busandağı sammit säwdä, korrupsiä, terrorçılıq häm başqa iminlek mäs'äläläre turında söyläşülärdän soñ irtägä tämamlanaçaq.
