Dini temğa tağın ber xäbär. Başqortstannıñ Boray rayonı üzägendä istälekle waqıyğa buldı. Biredä Tarixi mäçet dip atalğan borınğı mäçetne tergezü öçen täwge nigez taşın salu tantanası bulıp ütte. Älege mäçetneñ tarixı da bik qızıqlı häm şul uq waqıtta faciğäle, moñsu da. Ul mäçet Boray awılındağı elekke kiñ bilgele bay millättäşebez häm uqımışlı däwlät xezmätkäre Şäräfetdin Xämit tarafınnan Oqtyäbr inqıylabına qädär ük tözelä başlağan bulğan, ämma ildäge kisken üzgäreşlär ul mäçetne tulısınça tözep beterergä irek birmägän. Ä sowetlar berlege yıllarında anı inde şul çaqtağı xaqimiätlär tözep beterep, kinoteatr açqannar. Şunnan soñ uzğan ğasırnıñ azaqlarında biredä muzıyka mäktäbe dä eşläp kilde. Ä soñğı yıllarda bu bina cimereler xälgä citkäç, anı eşquarlar satıp alıp, anıñ urınına nindider säwdä üzäge tözemäkçe bulğannar. Ämma Boray xalqı därräw kütärelep çığıp, biredä barı tik elekke mäçet kenä tergezelergä tieş, dip taläp itte häm üz moradına ireşte dä alar. Älege igelekle eştä Boray rayonı imam- möxtäsibe Rifat xäzrät Zaripovnıñ da öleşe zur.
Şulay itep, ber ğasırğa yaqın elek buldıqlı millättäşebez Şäräfetdin Xämit başlanğıçı belän nigez salınğan häm anıñ aqçasına tözelgän mäçet tarix zilzilälären kiçep, ikençe ğömeren başlıy. Anıñ yaña proyıqtın Qazan arxitektorı Räfıyq Bilalov eşlägän. Boraydağı tantanağa ul da kilgän ide. Ğomumän, Tarixi mäçetkä yañadan nigez salu tantanasına Ufadan da küp kenä din ähelläre kilgän, Borayda tuıp üsep, bügenge köndä çit yaqlarda yäşäwçe yaqtaşlar da qaytqan. Tantanada qatnaşqan Ufadağı “İxlas” mäçete imam-xatibı Möxämmät xäzrät Ğalläm borınğı mäçetneñ ikençe yäşlegen kiçeräçäge xaqında fikerläre belän urtaqlaşıp “Azatlıq” radiosına menä nilär söyläde.
(Möxämmät)
Ufanıñ “İxlas” mäçete imam-xatibı Möxämmät xäzrät buldı bu. Şulay itep Boraydağı Tarixi mäçetkä nigez taşı salındı. Aña Şäräfetdin Xämit iseme birelergä mömkin dilär. Ul da tözelep betsä, Boray rayonı üzägendä beryülı öç mäçet eşläyäçäk. Ä rayon buyınça älege köndä cämğıse 16 mäçet häm ber mädräsä eşli. Älege köndä tağın berniçä awılda yaña mäçet tözeleşe başlanıp tora.
Şulay itep, ber ğasırğa yaqın elek buldıqlı millättäşebez Şäräfetdin Xämit başlanğıçı belän nigez salınğan häm anıñ aqçasına tözelgän mäçet tarix zilzilälären kiçep, ikençe ğömeren başlıy. Anıñ yaña proyıqtın Qazan arxitektorı Räfıyq Bilalov eşlägän. Boraydağı tantanağa ul da kilgän ide. Ğomumän, Tarixi mäçetkä yañadan nigez salu tantanasına Ufadan da küp kenä din ähelläre kilgän, Borayda tuıp üsep, bügenge köndä çit yaqlarda yäşäwçe yaqtaşlar da qaytqan. Tantanada qatnaşqan Ufadağı “İxlas” mäçete imam-xatibı Möxämmät xäzrät Ğalläm borınğı mäçetneñ ikençe yäşlegen kiçeräçäge xaqında fikerläre belän urtaqlaşıp “Azatlıq” radiosına menä nilär söyläde.
(Möxämmät)
Ufanıñ “İxlas” mäçete imam-xatibı Möxämmät xäzrät buldı bu. Şulay itep Boraydağı Tarixi mäçetkä nigez taşı salındı. Aña Şäräfetdin Xämit iseme birelergä mömkin dilär. Ul da tözelep betsä, Boray rayonı üzägendä beryülı öç mäçet eşläyäçäk. Ä rayon buyınça älege köndä cämğıse 16 mäçet häm ber mädräsä eşli. Älege köndä tağın berniçä awılda yaña mäçet tözeleşe başlanıp tora.
