Şul oçraşuda Tatarstannan Ayrat Waxitov ta qatnaştı. Guantanamoğa qädär ul Rusiädä, Taciqstanda häm Äfğanstanda da törle totqınnarnı ütkän bulğan. Amerikannar qulına Waxitov "Taliban" törmäsennän elägä häm anı şunnan Guantanamoğa alıp kitälär, anda ul üzeneñ yıl yarım ğömeren ütkärä. Annan Ayrat Waxitov 2004-neñ fivralendä genä azat itelä. "Azatlıq" radiosına ul, Guantanamoda üzeneñ dini xisläreneñ taptaluı, anda anı tübänsetülär turında belderde:
"Guantanamo minem tormışta berençe totqın tügel ide, ämma anda min başqa urınnarda kiçermägän mizgellär kiçerdem. Misal öçen, añlı räweştä keşeneñ abruen kimsetü, dini xislärne häm Qör''änne mäsxäräläw - başqa cirlärdä andıy närsälär kürgänem bulmadı", di Ayrat Waxitov Guantanamodağı xällärne taswirlap. Ul bigräk tä andağı amerikan xärbiläreneñ maqsatçan räweştä möselman dini xislären kimsetü ğämällären telgä ala:
"Qör''än bitlärendä min amerikan ğäskäriläreneñ başmaq ezlären kürdem. Totqınnar anda çişenderelep, ber qısqa ıştannaarda ğına qaldırıla ide, häm alar şulay aylarça yörde. Möselmanğa isä andıy kileş namaz uqu yazıq", di Ayrat Waxitov. Tağın ul şunı da iskä töşerä - möselmannar öçen namaz waqıtı citü belän Guantanamoda amerikan milli marşın uynata torğan bulğannar. Xäzer Ayrat Waxitov Quşma Ştatlar xökümäten mäxkämägä birä häm "Amnesty İnternational"nıñ Londonda oyıştırğan şuşı oçraşuı Guantanamoğa xalıqara cämäğätçelek iğtibarın cälep itärgä bulışır dip ömetlänä. "Amnesty İnternational" wäkile Sharon Critoph monıñ belän kileşä:
"Kön sayın Guantanmodağı keşelärneñ xäle naçaraya bara. Şul şartlarda bez, älege mäs''äläne kütärergä waqıt citte dip uyladıq. Ämma bu ber Guantanamo turında ğına tügel, älege oçraşu anıñ turında da, annan kiñräk problema turında da", di Londonda uzğan oçraşunıñ maqsatın "Amnesty İnternational" wäkile.
Amerikan xökümäte üz ğäskäriläreneñ Guantanamo totqınnarın cäberläwe turındağı bar ğäyepläwlärne kire qağa. Noyäbr başında saqlanu ministrı Rumsfeld bolay dip beldergän ide:
"Prezident bezgä totqınnar belän keşelekle eş itü taläben quydı, nizaq başlanğannan birle min şundıy kürsätmä çığardım häm bu saqlani ministrlığı keşeläre ütägän standart bulıp tora", di ministr Donald Rumsfeld, Guantanamoda totqınnarnı cäberläw turındağı ğäyepläwlärne kire qağıp. Washington andağı totqınnarnı suğış äsirläre itep tanudan baş tarta häm Jeneva konvensiäse alarğa qaramıy dip belderä.
Kärim Kamal
"Guantanamo minem tormışta berençe totqın tügel ide, ämma anda min başqa urınnarda kiçermägän mizgellär kiçerdem. Misal öçen, añlı räweştä keşeneñ abruen kimsetü, dini xislärne häm Qör''änne mäsxäräläw - başqa cirlärdä andıy närsälär kürgänem bulmadı", di Ayrat Waxitov Guantanamodağı xällärne taswirlap. Ul bigräk tä andağı amerikan xärbiläreneñ maqsatçan räweştä möselman dini xislären kimsetü ğämällären telgä ala:
"Qör''än bitlärendä min amerikan ğäskäriläreneñ başmaq ezlären kürdem. Totqınnar anda çişenderelep, ber qısqa ıştannaarda ğına qaldırıla ide, häm alar şulay aylarça yörde. Möselmanğa isä andıy kileş namaz uqu yazıq", di Ayrat Waxitov. Tağın ul şunı da iskä töşerä - möselmannar öçen namaz waqıtı citü belän Guantanamoda amerikan milli marşın uynata torğan bulğannar. Xäzer Ayrat Waxitov Quşma Ştatlar xökümäten mäxkämägä birä häm "Amnesty İnternational"nıñ Londonda oyıştırğan şuşı oçraşuı Guantanamoğa xalıqara cämäğätçelek iğtibarın cälep itärgä bulışır dip ömetlänä. "Amnesty İnternational" wäkile Sharon Critoph monıñ belän kileşä:
"Kön sayın Guantanmodağı keşelärneñ xäle naçaraya bara. Şul şartlarda bez, älege mäs''äläne kütärergä waqıt citte dip uyladıq. Ämma bu ber Guantanamo turında ğına tügel, älege oçraşu anıñ turında da, annan kiñräk problema turında da", di Londonda uzğan oçraşunıñ maqsatın "Amnesty İnternational" wäkile.
Amerikan xökümäte üz ğäskäriläreneñ Guantanamo totqınnarın cäberläwe turındağı bar ğäyepläwlärne kire qağa. Noyäbr başında saqlanu ministrı Rumsfeld bolay dip beldergän ide:
"Prezident bezgä totqınnar belän keşelekle eş itü taläben quydı, nizaq başlanğannan birle min şundıy kürsätmä çığardım häm bu saqlani ministrlığı keşeläre ütägän standart bulıp tora", di ministr Donald Rumsfeld, Guantanamoda totqınnarnı cäberläw turındağı ğäyepläwlärne kire qağıp. Washington andağı totqınnarnı suğış äsirläre itep tanudan baş tarta häm Jeneva konvensiäse alarğa qaramıy dip belderä.
Kärim Kamal