Accessibility links

Кайнар хәбәр

Bağdad şartlawlarında 32 keşe ülde


Bağdad -- Bügen Bağdadtan 30 çaqırım yıraqlıqta, Mäxmüdiä qalasında bulğan şartlaw näticäsendä kimendä 30 keşe häläk buldı, 34e cäräxätlär aldı. Şartlatqıç xastaxanä yanında torğan ber maşinağa quyılğan bulğan. Kiç belän, Bağdadnıñ Hilla bistäsendä maşinağa quyılğan bomba şartöaw näticäsendä kimendä 2 keşe häläk bulğan. Amerikan xärbiläre kiçä Bağdadnıñ könyağında bulğan bäreleşlär näticäsendä 2 amerikan xärbieneñ häläk buluı turında xäbär itte. Başqa mäglümät kiterelmi.

Ul arada Saddam Xösäyen advokatları, yanawlarğa qaramastan, mäxkämä utırışında qatnaşaçağın belderde. Kiläse utırış düşämbedä ütäçäk. Soñğı ay-yarımda ğına bu eştä qatnaşqan 2 advokat üterelde, başqalarına yanawlar kilä. Saddam Xösäyen häm anıñ 7 tarafdarı keşeçelekkä qarşı cinäyätlär qıluda ğäyeplänä.
XS
SM
MD
LG