Mäskäw -- Rusiä prezidentı Vladimir Putin süzlärençä, Dumanıñ ğäyre-räsmi oyışmalar östennän kontrolne köçäytü tırışlığı watandaşlar cämğiätenä zıyan kitermiäçäk. Bu turıda ul Duma citäkçeläre belän söyläşergä wäğdä itte. Berük waqıtta, çit ildän säyäsi xäräkätkä kilgän aqçalar, küzätelep barılırğa tieş, dide ul. Kiçä Rusiä Duması bu turıda qanun ölgesen berençe uqılışta qabul itte. Xoquq yaqlawçılar, bu qanun qabul itelsä, küp kenä xoquq yaqlaw, xäyriä oyışmaları yabılırğa mäcbür bulaçaq dip kisätä.
