1 dekaber – xalıqara Spidqa qarşı köräş köne. Respublikanıñ spidqa qarşı köräş üzäge birgän mäğlümatlarğa qarağanda , 1987 yıldan alıp 2005 yılnıñ 23 noyäber könenä Tatarstanda 7 meñ 774 keşe spid awıruı belän terkälgän, şularnıñ 7 meñ 503 berençe tapqır terkälgän. Şulay uq 429 bala VİÇ infeksiäle anadan tuğan. Ä barlığı spidtan Tatarstanda 647 keşe wafat bulğan. Älege awıru turında Qazan xalqı närsä belä? Spidqa qarata alarnıñ fikere bügenge açıq mikrofon säxifäsendä :
Yäş qızlar fikere :“Älbättä bezne borçıy bu problema, bezdä qurqabız bu yoğışlı awırudan. Ä balalarğa kilgändä, alarnıñ äniläre sälämät bulğan bulsa, balalar saw- sälämät tuarlar ide.”
Ölkän yäştäge xanımnar fikere: “Keşene tärbiäläwdä äxlaqlılıqnı üsterergä kiräk. Ä inde bala tuğan ikän, anı däwalarğa kiräk”. Meditsina , yurist häm sotsial'- psixologqa uquçı student yegetlär fikere: Här keşeneñ üzennän tora. Keşeneñ ixtıär köçe bulırğa tieş. Keşeneñ organizmına “Palaçqa Koxa” dip atalğan infeksiä kerä. Häm ul keşeneñ böten tänenä tarala başlıy. Keşeneñ xäle bulmıy, käyefe betä, täne sarı töskä kerä , çönki bu awıru belän awırğan keşeneñ bawırı zıyanlanğan bula.Şunıñ öçen här keşegä törle meditsina ısulları belän saqlanırğa kiräk.Ğailädä, yörgän qızıñ belän bik tiz, ber-bereñne belmiçä, yaqın mönäsäbätkä kerergä yaramıy. Çönki bu yoğışlı awıru censi mönäsäbättän yoğa. Ä balağa qalır aldınnan başta nıq uylarğa kiräk. Ä bu awıru belän tuğan balalarğa da, ğomumän awırularğa däwlättän matdi yärdäm kiräk, çönki bu awırularnı däwalaw öçen bik zur aqçalar taläp itelä, bez belmibez dä küpme aqça kiräk ikänen.
Ber tatarça belmägän yeget fikere:“ Normal' yäşäw räweşe belän yäşärgä kiräk”.
Mälikä Basıyr, Qazan.
