Nobel tınıçlıq büläge iäse Mohammäd ElBaradei dönya cämätçelegeneñ İranğa, anıñ atom programmasın tuqtatmawı arqasında tüzemlelege kimi bara, dip belderde. Bu xaqta ul kiçä Osloğa kilgäç äytte: "Bez İran räsmilärennän atom programması turında añlatmalar soradıq. Tikşerüçelär äle dä tögäl mäğlümatkä iä tügel, bez elekke programma turında küp belsäk tä – qayber möhim detallär äle dä bilgesez qala. Häm min İranğa, äwzem häm açıq bulırğa sorap möräcäğät itäm, çönki inde 3 yıl uzdı, xalıqara cämäğätçelek sabırlığın yuğalta bara."
Bügen isä Xalıqara Atom Agentlığı başlığı Möhämmäd ElBaradei Osloda Nobel tınıçlıq bülägen ala.
