Törkiä başqalasında qayber törek räsmi şäxeslärenä “Qazannıñ meñyıllığı istälegenä” medallären tapşıru tantanası Ankaradağı Rusiä ilçelege binasında ütkärelde. Tışqı eşlär ministrı häm premier-ministr urınbasarı Abdullah Gül kebek yuğarı däräcäle däwlät eşlekleläre qatnaşqan tantana waqıtında Qazan turında fotosürätlär häm Törkiä belän Sovet Rusiä arasında diplomatik mönäsäbätlärneñ urnaştırıluına 85 yıl tulu uñayınnan oyıştırılğan tarixi fotoräsemnärdän torğan kürgäzmä dä açıldı.
Tantananı açıp cibärgän urıs ilçese Petr Stegniy iñ elek ike il arasındağı mönäsäbätlärneñ urnaştırıluı tarixın qısqaça añlatıp birde häm törek-urıs mönäsäbätlärenä tuqtalıp uzdı. Soñınnan medallärne tapşıruğa küçelde. Tik ilçe äfände nişläpter Tatarstan süzen bötenläy telgä almıyça “Rusiä Federatsiäseneñ iñ borınğı qalası Qazan” dip kenä äytüne mäğqül dip taptı.
“Qazannıñ meñyıllığı istälegenä” medalläre Törkiä parlamentınıñ Rusiä belän duslıq törkeme räise Nevzat Yalçıntaş, Ankara şähär xakimiäte başlığı Melih Gökçek, Gazi universitetı rektorı Kadri Yamaç häm Topkapı muzeyları ğomum mödire, tanılğan ğalim İlber Ortaylığa birelde.
Tantanada qatnaşqan törek tışqı eşlär ministrı häm premier-ministr urınbasarı Abdullah Gül biredä yasağan çığışında Qazannıñ meñyıllığın qotlaw çaralarına Törkiäneñ dä zur öleş kertüen häm bäyräm cıyınnarında Törkiäne däwlät ministrı Beşir Atalaynıñ wäkillek itüen xäterlätep uzdı häm urıs ilçesennän ayırmalı bularaq Qazannıñ Tatarstan başqalası buluın da äytep uzarğa onıtmadı.
Abdullah Gül üzeneñ çığışında Törkiä belän Rusiä arasında könnän-kön üsep kilüçe elemtälär turında mäğlümat tä birep uzdı.
“Qazannıñ meñyıllığı istälegenä” medallären tapşıru tantanasında şulay uq Tatarstannıñ Törkiädäge wäqalätle wäkile Ramil Mäwlütov da qotlaw süzlären citkerde.
Qazannıñ meñyıllığı medallären tapşıru tantanası soñınnan Törkiäneñ tışqı eşlär ministrlığında däwam itelde. Biredä Rusiä ilçese Qazan medalen tışqı eşlär ministrı Abdullah Gülgä tapşırdı.
15 dekabr könne isä İstanbulda urıs konsullığı binasında da “Qazannıñ meñyıllığı istälegenä” medallären tapşıru tantanası ütkäreläçäk. Biredä dä Tatarstan häm Törkiä arasındağı cılı mönäsäbätlärneñ urnaştırıluına häm Qazannıñ üseş aluına öleş kertüçe zatlarğa medallär tapşırılaçaq. Tantanada törek räsmi zatları belän bergä Törkiädäge tatar cämğiätläre wäkilläreneñ dä qatnaşuı kötelä.
Säğit Xäyri, Ankara
Tantananı açıp cibärgän urıs ilçese Petr Stegniy iñ elek ike il arasındağı mönäsäbätlärneñ urnaştırıluı tarixın qısqaça añlatıp birde häm törek-urıs mönäsäbätlärenä tuqtalıp uzdı. Soñınnan medallärne tapşıruğa küçelde. Tik ilçe äfände nişläpter Tatarstan süzen bötenläy telgä almıyça “Rusiä Federatsiäseneñ iñ borınğı qalası Qazan” dip kenä äytüne mäğqül dip taptı.
“Qazannıñ meñyıllığı istälegenä” medalläre Törkiä parlamentınıñ Rusiä belän duslıq törkeme räise Nevzat Yalçıntaş, Ankara şähär xakimiäte başlığı Melih Gökçek, Gazi universitetı rektorı Kadri Yamaç häm Topkapı muzeyları ğomum mödire, tanılğan ğalim İlber Ortaylığa birelde.
Tantanada qatnaşqan törek tışqı eşlär ministrı häm premier-ministr urınbasarı Abdullah Gül biredä yasağan çığışında Qazannıñ meñyıllığın qotlaw çaralarına Törkiäneñ dä zur öleş kertüen häm bäyräm cıyınnarında Törkiäne däwlät ministrı Beşir Atalaynıñ wäkillek itüen xäterlätep uzdı häm urıs ilçesennän ayırmalı bularaq Qazannıñ Tatarstan başqalası buluın da äytep uzarğa onıtmadı.
Abdullah Gül üzeneñ çığışında Törkiä belän Rusiä arasında könnän-kön üsep kilüçe elemtälär turında mäğlümat tä birep uzdı.
“Qazannıñ meñyıllığı istälegenä” medallären tapşıru tantanasında şulay uq Tatarstannıñ Törkiädäge wäqalätle wäkile Ramil Mäwlütov da qotlaw süzlären citkerde.
Qazannıñ meñyıllığı medallären tapşıru tantanası soñınnan Törkiäneñ tışqı eşlär ministrlığında däwam itelde. Biredä Rusiä ilçese Qazan medalen tışqı eşlär ministrı Abdullah Gülgä tapşırdı.
15 dekabr könne isä İstanbulda urıs konsullığı binasında da “Qazannıñ meñyıllığı istälegenä” medallären tapşıru tantanası ütkäreläçäk. Biredä dä Tatarstan häm Törkiä arasındağı cılı mönäsäbätlärneñ urnaştırıluına häm Qazannıñ üseş aluına öleş kertüçe zatlarğa medallär tapşırılaçaq. Tantanada törek räsmi zatları belän bergä Törkiädäge tatar cämğiätläre wäkilläreneñ dä qatnaşuı kötelä.
Säğit Xäyri, Ankara