Accessibility links

Кайнар хәбәр

Söyembikä - Nailä Poteeva: “Qazan-XaciTarxan arası”


“Söyembikä” jurnalınıñ bu noyäber sanında änilärgä bağışlanğan yazmalar küp. Ämma jurnalnıñ baş möxärrir süze astında Firaya Bädretdinova äytüençä, Xalıqara analar köne noyäber ayında bäyräm itelgängä genä tügel. “Bez bit ana häm bala qädere turında söylär öçen tuğan jurnal.... Ana belän bala ber-berse öçen cannarın fida itärlek ceplär belän bäylängän bulğanğa, mäxäbbätneñ närsä ikänen belmägänebez xälendä anıñ üzen belgänebezgä kürä cirdä xäyät bar”,-dip çığa.

Tatarstanda yäşägän analar turında “Ğadi xanımnarğa gimn” dip atalğan yazması belän Gölnur Safiullina yazması birelä. Bu yazma jurnalnıñ tışlığında uq bik küp xatın-qızlarğa xas sıyfatı, fidaqär xezmäte häm tıynaqlığı, sabırlığı yözenä çıqqan häm küñeleneñ yaqtılığı küzlärennän nurday balqıp torğan Rozaliä xanım Şakirova turında.

Anıñ yäp-yäş qulları belän sarıq tiresennän qalıplağan bürekläre, zamana üzgärü belän qarakül tunğa küçep häm bügenge köndä böten dönyağa tanılğan “Melita” kebek zur berläşmä dä üzenä berözleksez qırıq yıl buyı xezmät itkän keşeläreneñ küplege belän maqtana almıydır., - dip yaza mäqälä avtorı.

Mädinä Avzalovanıñ “Ber kön” dip isemlängän mäqäläse Quqmara rayon sovetı räise Rawiä Karimullinalarnıñ äniläre “17 yäşendä ğap-ğadi ber awıl qızı , il öçen iñ qazalı , iñ xätär zamanda Leningradqa barıp citkän buxgalter, yurist , üzen rayon poçta elemtäse citäkçese, dürt bala anası batır yöräkle Särbicamal apa” kebek keşelär turında.

Ğıbrätle yazmışlar säxifäsendä “Qıyular yulı”dip atalğan Zölfiä Tuğanovanıñ yazması Qazan şähäreneñ Texnik fännär ğalimäse , ataqlı “Katyuşa” lar öçen ( ul sintezlağan yaña ximik quşılmalar darı äzerläwdä qullanılğan), Firdäws Urazayıvanıñ änise Ömmehani apanıñ qatlawlı tormışı häm yazmışı anı Qırğızstannıñ Oş şähäre , Üzbäkstannıñ Taşkent şähärlärendä yörtep, ämma balaların tärbiälär öçen nindi awırlıqlar ğına bulsa da sınmağan xanımnar turında.

Ğäm'le äñgämälär säxifäsendä Roza Kamaletdinova “ Mäñgelek moñ bulıp qalırbız ” digän yazmasında Tatarstannnıñ xalıq artistkası Ğ.Kamal teatrı säxnäsendä yaqtı yoldız bulıp balqığan Ğayni, Kordeliä, Gölcamal, Aysılu kebek rol'läre belän meñnärçä tamaşaçını yılatqan, soqlandırğan, ğäcäpkä qaldırğan, kiñ diapazonlı, tanılğan aktrisa Asiä Ğalieva belän äñgämä qorğan.

Şiğriät säxifäsendä şağirä Näcibä Safinanıñ “ Mindä vulkan küz yäşe...” digän isem astında tuplanğan yaña şiğerlär bäyläme birelä. Anda şağiräneñ tuğan cirne sağınıp yäşäw, mäñgelek dönya turındağı uylanuları, häm anıñ yaqtaşı bulğan oluğ yazuçı Nurixan Fättaxqa bağışlanğan häm, “Min genäme... Vulkannar da yılıy” dip atalğan şiğri yulları urın alğan.

Häm anıñ icat cimeşläre arasında bügenge yäşlärneñ küñelen yaulıy alırlıq mäxäbbät, tuğan tel turındağı şiğri yulları iğtibarnı cälep itä. Şulay uq ul keşe küñelenä ni kiräge turında da uylanudan tuqtamıy.. “Ni kirägen beläseñ bit, Kiräk tatar dulqını! Dulqınsızlıq- tuğan telne Buıp torğan upqın ul”.- di şağirä.

Söyembikä jurnalınıñ “Tele barnıñ -ile bar ”säxifäsendä Güzäl ğäm'le qaytawaz säxifäsendä Qazannıñ meñyellığına “Tatarstan xatın –qızları” ictimaği oyışması, “Aq qalfaq” Bötentatar xatın-qızlar berläşmäseneñ berläşterelgän bäyräm mäclese häm dä böten dönya tatar kongressı başqarma komitetı oyıştırğan iñ küpsanlı, iñ sağınulı, iñ ğäm'le “tügäräk östäl” söyläşülären kürsätäsebez, assızıqlap söylise kilgän ide dip anda qatnaşqan Tatarstannıñ Premyer-ministr urınbasarı , mädäniät ministrı “Tatarstan xatın-qızları ”oyışması räise Zilä Wälievanıñ, Premyer- ministr Röstäm Miñnexanovnıñ , Qazannan Flera Safiullina, Marat Lotfullin, AQŞnan- Roqıya Safa, Qıtaydan- Räğdä Aqmullina, Finlyandiädän- Aynur Nizametdin, Pragadan Färit İdelle, Mäskäwdän Lemma Ğıyrfanova, Taşkenttan Venera Latıypova, Udmurtiädän Fändäs Xucin fikerläre birelgän.

“Söyembikä” jurnalın Tatarstannan çittä yäşägän millättäşlär dä aldıralar, häm anı yaratıp uqilar. Aña üzläreneñ yazmaların cibärep ber- berse belän tığız bäyläneştä torğan millättäşlär dä az tügel. Menä jurnalnıñ bu sanında Ästerxan ölkä tatar Xaci-tarxan cämğiäte räise urınbasarı Nailä Poteevanıñ “Qazan- Xaci-Tarxan arası”dip isemlängän mäqäläse bastırılğan. Bez, telefon aşa aña, Ästerxanğa şıltıratıp, soraw birdek. Ul menä närsälär dide. audio :

Sez, Tatarstan matbuğatına küzätü tapşıruında “Söyembikä ”jurnalında basılğan ber yazma xaqında anıñ avtorı Nailä Poteevanıñ üzen tıñladığız. Azatlıq radiosı Mälikä Basıyr, Qazan.

XS
SM
MD
LG