Accessibility links

Кайнар хәбәр

Ğıraq: tınıç ütkän saylawlardan soñ bülletennär sanala


2003.yılda Säddäm Xösäin bärep töşerelgännän soñ ğıraqlılar atnakiçtä 4 yıllıq möddät öçen (berençe) parlamentnı sayladı.Şuşı saylawlarda 6meñnän artıq namzät, 307 partiä häm 19 koalitsiä terkälgän ide.Parlament aldağı 4 yıl öçen yaña xökümät häm yaña prezidentnı bilgeliäçäk. Saylawlarnıñ näticäse 2 atnadan elek bilgele bulmas dip kötelä.

Ğıraqta kiçäge saylawlar tınıç ütte dip äytep bula, saylaw räsmiläre farazlarına kürä tawış birergä xoquqlılarnıñ 70% yäisä kübräge urnalarğa barğan.Ğıraqta millionnarça tawış bülläte sanala AQŞ prezidentı G.Bush saylawlarnı tarixi waqıyğä dip atadı.Ğäräb dönyasınıñ reaksiäse nindi soñ?İn zur ğäräb ile Mısırda urnaşqan al Axram strategik häm politik tikşerülär üzäge direktorınıñ urınbasarı Nabil Abdel Fattah radiobızğa Mısırdağı törle säyäsi törkemnärneñ reaksiäse törleçä bulsa da, ğomumän alğanda uñay dide. Fattax süzlärençä Ğıraqnıñ demokratiäläşüen yaqlawçı Mısırdağı yarım liberal säyäsi köçlär Ğıraq däwläteneñ saylawçılar telägenä nigezlänüen teli häm alar Ğıraq saylawları başqa ğäräb illärenä ürnäk bulır dip qarıy. Ämma Fattax Mısırdağı konservativraq säyäsätçelär saylawlarnıñ möhim buluına basım yasasa da , saylawlar okupatsiä astında ütte dip basım yasıy.

Möselman Qardäşlege AQŞ häm Britaniäneñ Ğıraqtağı säyäsäten tänqitli ämma sönnilärneñ saylawlarğa qatnaşuınıñ ähämiäten azsızıqlıy. Ämma ğomumän alğanda alar saylaw ideasın xuplıy.Ğäräb dönyasında ideologiäläre belän Möselman Qardäşlegennän ayrılğan qayber islamçı törkemnär saylaw ideasın kire qağa dip söyli Al Axramdağı analitik Fattax

Ğıraqta räsmilär tawış birergä xoquqlı 15 million keşeneñ 70% , şulayuq sönnilär dä küpläp saylawlarğa qatnaştı dip äytä. Bagdadta yäşäwçe Ubaid isemle beräw,

Saylawlar irekle häm demokratik ütte.Bez xoquqıbıznı bäysez räweştä qullandıq.Bez hämmäbez dä saylaw isemleklärendä fikrebezne belderdek Dönyanıñ başqa urınnarındağı kebek tışqınu bulmıy telägän isemlekne sayladıq .Bu bezneñ xoquqıbız dip söyläde

AQŞ prezidentı G.Bush kiçäge saylawlarnı xuplap,

Bu mäqsatıbızğa ireşü yulında atlanğan möhim adım..Berektäşebez Ğıraqnıñ demokratik il buluı üzen yaqlawın, terrorğa qarşı suğışta berektäşebez buluın häm misal öçen İran yäki Süruın telibez dide G.Bush.

Kiçä tawış birü könendä köç qullanu mäsäläse töp borçılu bulğan ide ämma ğomumän alğanda kön tınıç ütte. Tawış birü urınnarı açılğanda şartlawlar bulsa da , bu xalıqnıñ tawış birüen tuqtatmadı. Kiçä çiklär, hava alanları yabılğan ide.AQŞ xärbiläre tarafınnan yaqlanğan 150meñ çaması ğıraqlı ğäskär häm politsiä böten ildä qurqınıçsızlıqnı tämin itte. färidä xämit
XS
SM
MD
LG