Atna başında Premier Recep Tayyip Erdoğan Yaña Zelandiä belän Australiägä yasağan 9 könlek vizitınnan qaytır-qaytmas jurnalistlarğa küp keşeneñ açuwın kitergän süzlären qabatlap, “Din, yäğni İslam bezneñ sementıbız” dip äytüwe üzlek turında qabınğan diskussiälärgä qızğan tabağa may salu dip bäyälände. Tege yaqtan atna başında Energiä ministere Hilmi Gülerneñ Törkiädäge tabiği gaznı taratu eşendä Gazpromnı tik ber çawaplı şirkät xälenä kitergän qanunı çığarğanda, monıñ ber kapitulatsiä buluwın belüwe añlaşıldı.
Tege yaqtan statistik sannar AK partiä xökümäteneñ ekonomik ölkädäge uñışılarına işarä itä. İğlan itelgän sannarğa kürä, bıyılnıñ öçençe çiregendä ekonomik üseş 7,3% bulğan, ä ikençe çirektä bu 3,4% bulğaç qayber ekonomistlar Törkiä ressesiägä, torğınlıqqa kerä digännär ide.
AK partiä xökümäten söyendergän başqa ber xäbär isä çit ildän kilde. İllärneñ kredit däräcäsen, döresräge alarğa ışanıçnı bilgelägän xalıqara kredit bilgeläw oyışması Moody’s Törkiäneñ soñğı dürt yılda säyäsi häm ekonomik ölkälärdä yasağan reformaları öçen ışanıç däräcäsen, 1997 yıldan birle, berençe märtäbä üsterde. Tege yaqtan yuğarı mäxkämä Törkiäneñ iñ zur neft eşkärtü şirkäte Tüpraşnıñ paylarıñıñ 51%-nıñ 4 milliard 140 million dollarğa satıluwına quyılğan şikayätne kire qaqtı. Bu atnada ayruça Törkiäneñ ikençe zur Telsim isemle käräzle telefon şirkäte 41 ildä eş alıp barğan xalıqara Vodafone şirkätenä 4 milliard ta 550 million dollarğa satıldı. Şulay itep AK partiä xökümäte xosusilaştıru ölkäsendä tağı ber uñışqa qul quyğan buldı.
Atna urtasında AQŞ Küzläw Oyışması CIA-neñ citäkçese Porter Gosnıñ kötelmägändä Törkiägä vizit yasauwı häm yaña böyek ilçe Wilsonnıñ “mäqsat İraqta tärtip urnaştıru, terrornı beterü, şunnan soñ Süriä belän İranğa çirat kiläçäk” dip äytüwe 2006 yılda Törkiäneñ dä başın awırtaçaq problemalarğa işarä buldı.
Äxtäm İbrahim, İstanbul
Tege yaqtan statistik sannar AK partiä xökümäteneñ ekonomik ölkädäge uñışılarına işarä itä. İğlan itelgän sannarğa kürä, bıyılnıñ öçençe çiregendä ekonomik üseş 7,3% bulğan, ä ikençe çirektä bu 3,4% bulğaç qayber ekonomistlar Törkiä ressesiägä, torğınlıqqa kerä digännär ide.
AK partiä xökümäten söyendergän başqa ber xäbär isä çit ildän kilde. İllärneñ kredit däräcäsen, döresräge alarğa ışanıçnı bilgelägän xalıqara kredit bilgeläw oyışması Moody’s Törkiäneñ soñğı dürt yılda säyäsi häm ekonomik ölkälärdä yasağan reformaları öçen ışanıç däräcäsen, 1997 yıldan birle, berençe märtäbä üsterde. Tege yaqtan yuğarı mäxkämä Törkiäneñ iñ zur neft eşkärtü şirkäte Tüpraşnıñ paylarıñıñ 51%-nıñ 4 milliard 140 million dollarğa satıluwına quyılğan şikayätne kire qaqtı. Bu atnada ayruça Törkiäneñ ikençe zur Telsim isemle käräzle telefon şirkäte 41 ildä eş alıp barğan xalıqara Vodafone şirkätenä 4 milliard ta 550 million dollarğa satıldı. Şulay itep AK partiä xökümäte xosusilaştıru ölkäsendä tağı ber uñışqa qul quyğan buldı.
Atna urtasında AQŞ Küzläw Oyışması CIA-neñ citäkçese Porter Gosnıñ kötelmägändä Törkiägä vizit yasauwı häm yaña böyek ilçe Wilsonnıñ “mäqsat İraqta tärtip urnaştıru, terrornı beterü, şunnan soñ Süriä belän İranğa çirat kiläçäk” dip äytüwe 2006 yılda Törkiäneñ dä başın awırtaçaq problemalarğa işarä buldı.
Äxtäm İbrahim, İstanbul